ما جيت لأجل اللي تحت حاجبينـك
ولا عشـان أقضــــي مـعك كم فتره
جيتك وانا محتـــاج فزعة حنينـك
إنسان مثل النــاس يعشق ويكـره
جيتك قلم لو عاش مجمل سنينـك
كل يوم ينزف شوق ما جف حبره
شفني ما بين غياب عينك ، وبينك
شخصٍ رمى مستقبله خلف ظـهره
البارحه بيحـت [ خافي كنيـنـــك ]
خايف على نفسك من الوقت بكره
وجفونك تغطي حكي مقلتيـــــــنك
وعيونك اصدق من لسانك وهذره
فنجال حلمي والوداد و ضنيـنـــك
وكاس الغرام اللي تعمدت كسره
كانوا على مينا الجفا محترينـك
فـِ حلوقهم من بحة الناي نبــره
وانته عليهم جعل ربـــي يعينـك
تْظنني ماخذ من أيـوب صبـــره
تشره علي وتقول : قلبك وعيـنك
وينك ؟ ترى للشوق فـَ القلب جمره
أنا هنا موجود لا تقوول وينـــك
من بعد تغريبة عمر جاي تشره
انا عشقتك قد اصابـــــع يدينـــك
و ترد لي المعروف وتْحب [ 10 ] . !
،،