|
رد: دعوه .. لـ ' جدول \ مشترك ..
طيب
وش سبب مشكلتي غير اني ضيعت الوصل ؟
البنك صعب يطلع لك بدل فاقد
والجامعه ما بتصبر
انا وش سويت
؟
كلمت الجامعه وهم قالوا لي اللي قلت لك
اسدد مره ثانيه
اخذ الوصل و اصوره على ورقه .. + ارساله للجامعه (قبل لا يطلعون سالفة السداد )
المهم اصوره في ورقه و اكتب في اسفل الورقه بياناتي
اسمي والرقم الاكاديمي و اللي ببطاقة العايله و جوالي ومستواي واي قسم
اي شي يوصلهم لبياناتك بسرعه
واحط ملاحظه ان هذا التسديد للمررررررررررررررررررره الثانيه نفس المبلغ
دق علي واحد منهم ثاني يوم قال انتي كذا كذا
قلت ايه
قال علميني بقصتك
قلت له ع الحكايه من اولها لاخرها
قال طيب .. ماعندنا في السستم انك مسدده من اول
قلت هذي مشكلتكم انا مسدده قال خلاص بيتم رفع الحضر عنك
ونشيك على رصيدك الاول وثقي ثقه تاااااااااااااااااااامه انه مابيضيع ابدا وحقك محفوظ ( تذكرت نبرته الله يمسيه بالخير حس بالقلق فقعد يطمن فيني .. خمسه الاف في ترم واحد  لو ما الله فرجها ع زوجي ما ادري وش كان صار لي )
بعد يوم فعلا انفك الحظر ... و شفت اموري ... و في نص الترم شيكت ع الوضع المالي الا يطلع لي ان الجامعه عندها لي مبلغ الفين و اربعميه وانه سيتم استخدامه للترم الجاي
غير هالحل يا زوزتي ما بتقدرين تسوين شي اببببببببببببدا ... يكون تطلعين وصلك الضايع او بدل فاقد
سددي للمره الثانيه مختصر لك اكثر واتركي مهمه البحبشه في النظام للجامعه
وخذيها قاعده اي ورقه تخص الجامعه او حساباتك في البنوك احتفظي فيها ماتدرين وش الدنيا به
|