السلام عليكم ورحمته الله وبركاته
موقف حقيقي ولا ليس من الخيال وكتبت القصيدة تلقائياً
عذبوها عذوبها عساهم للعذاب === وأحرموها من حقوق[ن] لها وميسره
فهموها بالخطا وافهمتهم بالصواب === مار مابه ناس تفهم أعقول محجره
تنتظرهم بالامل لين فاجاها الجواب === مثل من فاجته ملامحه فالمنظره
مالها قدره على فتح باب وصك باب == غيردمع[ن]طاح في حضنهآ من محجره
تستغيث من الفرح شي وتذوق العذاب === والألم فيها طعونه وساع بخنجره
استباح الحزن كل الفرح والنور غاب == اظلمت في وجهها الليال المنوره
حيرت[ن]تلعبها لعب وانشفت اللعاب === اكلها مع شربها غصب غصب تحدره
ضايقوها لين ضاقت أبها وساع الثياب === قلبها مالحود والصدر سور المقبره
ضاقت الدنيا عليها وضاق أبها الرحاب === الليالي في نظرها ليالي مدبره
احرموها من حقوق[ن] لها والراس شاب == وأحرموها من غصون الحياه المثمره
آه ياويلاه من ظلمهم شاب الغراب === وآه ياعزاه من جورهم ماتقدره
حلمها اللى تحلمه راح مروح السراب === والعظم مكسور والكسر وين مجبره
اشهد(ن) الظلم حضر يوم أن الحق غاب == واشهد(ن) الناس تظلم بعض رجل ومره
اشهد[ن] الصدر من ضيقته جاه اكتئاب == واشهد[ن] الشاعر اللى شعر شاب شعره
سبت اللى شفت ماعاد اركز فالنصاب == في عيوني صار نصف العرب زول ابقره
يابشر عفّو وحسو عساكم للذهاب === مايدوم الظلم والحق غصب يبعثره
الكفوف الطاهره والله شديد العقاب == فيه ذنب(ن) يدبله فيه ذنب(ن ) يغفره
دعوت المظلوم مابينها وبينه حجاب == البشر لو تظلم انسان ربه ينصره
عاش راسي يوم عبرت عن ظبي الهضاب == يحكم الشاعر ضميره ويحتاج انظره
والله اني ذيب مخشاك ياشهب الذياب === الصديق اصادقه والخصيم اصدره
مايطيح من السماء يابشر فوق التراب== ان رضيتو صايره وان زعلتو صايره
قالها نوار والحق مادونه حجاب == لو يقفل دونه الباب واجب نكسره
القصيد شعور وأعلام قوم[ن] ماتهاب == واجب الشاعر لياء حس شي[ن] يذكره
الشاعر غيث المشاعر
9\2\1433