|
رد: جدتي و بعد صلاة الفجر
الله يوفقك ويجزاك خير ويثبتك على الحق
ذكرتني بجدتي الله يرحمها اخذت نص امور ديني منها
مع انها ماتعرف لاتقرا ولاتكتب لكن كان لها راديو ودايم حاطته على اذاعة القران الكريم
والحين انا محافظه على صلاة الضحى وصلاة الليل والسنن اللي قبل الصلوات وبعدها والتصدق بالبدايه والله ماكنت اعرف فضلهن بس اشوفها محافظه عليهن واقلدها
والحين والله اني ادعي لها من قلب
وكانت دايم تكرر ياحبيبي ياربي اقسم لكم بالله اني اضحك عليها احسها كلمه عاديه
والحين كل ماقلت الكلمه هذي ذكرت عليه
تكفون ياللي عندكم جدات لاتفارقونهن قسم بالله اني اشتقت لها
ولو الوسايد تعرف تكلم بتقول لكم وش كثر بكيت على فراقها
وش كثر اغليها وش كثر اشتقت لها
الله يرحمها ويرحم جدتك ويرحم جميع اموات المسلمين
|