جزاك الله خير
بالنسبه للعضل لله الحمد ما عندنا <<<<<<<<< وهو لو عندنا جننتهم ههههههه
بالنسبه لمسئله ان ما تاخذ الا من القبيله بصراحه كان موجود عند اهلي
بحجة ناس نعرفهم ومنا وفينا
وحصل لي موقف وتقدم شخص من برى القبيله ومن غير اي سؤال ولا تفاهم ولا حوار من ساعة المكالمة شحتتهم امي ههههههه
تركت اهلي تقريبا لمدة شهر
طبعا في هذا الشهر اسمع التعليقات من اهلي
تخيلي لو خذيتي فلان الي من القبيلة الفلانه وبكره نسمعتس تقولين كذا وتقولين كذا وانتي ما تحبين كذا
يوه هم يحبون كذا
بعد هذا الشهر وهدت شوي انفسهم
بديت بالحوار مع اهلي
قلت لهم الرجال الله يوفقه لا اعرف ولا يعرفني ولا شفته ولا ادري عنه شيء ولا فيه اي امل انهم يرجعون
ع شان تطمنون اني مالي بال عليه بس ابي افهم ايش الفكره الي بروسكم
ايش يعني ان لازم من نفس القبيله او من القبيله الفلانيه لأنها اقرب لنا وبينا وبينهم نسب من زمان
طبعا بعد الحوار عرفت ان فكرتهم خوفهم علينا وحبهم ان نكون قريبين منهم والعادات تكون قريبه من بعض
بصراحه بصوره عامه ممكن نقول نعم ولكن الآن لو تأملنا لقلنا
ان المهم هي الثقافه والفكر تكون متقاربه ومش القبيله والاهم منها كلها يكون ذو خلق ودين
لله الحمد اهلي تغيرت فكرتهم وحصلت مواقف وحسيت انهم تقبلوا بنسبه لا بأس بها