أنا تخرجت من معهد الإدارة درست فيه سنتين ونص
وقبله درست سنتين في جامعة الملك سعود
كل افكار اسئلة الدكاتره تتكرر بالمكانين المذكورين
وأول من يتاجر بالأسئلة هم المعيدين بالجامعة
حيث يجمع الاسئلة ويبيعها بمذكرة وتأتي 90% من افكار الاسئلة بالاختبار
ومع ذلك يرسب ناس وتختلف معدلات ناس
لأنه أولا وأخيرا المذاكرة هي الفيصل في الموضوع
الدكتور يستطيع ان يغير حرف واحد ويبان الحافظ من المذاكر
وهذا مايحصل هنا في جامعتنا
الي يتكلم عن صحة ولياقة
ليست تخصص وهي بالاساس مادة معدل
ومع ذلك ومع تكرر الأسئلة ترى كانت صعبة وانا اتحدى اي احد يجزم انه جاب فيها 70
انا يمكن اجيب 60 ولا 65 مع اني املك الاسئلة السابقة
والله على ما اقول شهيد
انه في جامعة الملك سعود الي تعد الاكبر والافضل بعد البترول والمعادن
اقسم بالله اني درست مقررات كان الدكتور يقول الي يجيب في الشهري 20 من 20
لايحضر خلاص بعطيه 20 بالثاني و a بالنهائي
والله على ما اقول شهيد
انه ناس اخذو 20 واعطيو A بدون اختبارات لاحقة
وايضا دكتور قانون لا انساه جايب عنده 70 من 100 بالمجموع
ورحت اسلم عليه بس قالي وش اسمك اعطيته اسمي واعطاني 90
لااااا مقارنة
والدكتور الي كان احد اسباب تركي الجامعة
دكتور رياضيات ,,, كنت عند مدرس وتعبان واتوقع اجيب B ولا B+ واكتشف انه
اعطاني D ليش لأن المعيد تبع المادة الي ماياخذ عنده دروس خصوصي ماينجح بمعدل
بالاتفاق مع الدكتور
والي يبغى اي دليل انا جاهز
والله الشاهد
فلا مقارنة جامعتنا تعد اصعب بكثير مما يحاول البعض ان يسوقه