اهلاً بك اخوي المستشار ليس خطاءً ان تمشي على مهلك الخطاء ان تستعجل وتجيب ام العيد
المهم يا طويل العمر انا بقترح عليك الجدول وانت لك حرية الاختيار
اول مادة
خذ مادة المحاسبة الادارية ليش لانك توك مخلص المحاسبة 1 والمحاسبة 2 ولسه عندك كثير عنها عشان كذا انا اقترح عليك تاخذ هالمادة
ثاني مادة
خذ مادة نظم المعلومات الادارية ليش لانها لها علاقة بمادة تقنية المعلومات 1 و2 وصدقني ان بعض الاسئلة في الاختبار النهائي مجاوب عليها لاني عارفها من تقنية المعلومات 1 و2 وعشان كذا انصحك تاخذها الترم هذا
ثالث مادة
الاحصاء في الادارة
رابع مادة
خذ مادة الادارة المالية لانها خليط بين المحاسبة والاحصاء والاقتصاد بالنسبة للمحاسبة والاقتصاد فانت اوكية خلصت منها ولسه فاكرها وعشان كذا انصحك تستعجل بالادارة المالية عشانك لسه عندك خلفية عن المحاسبة والاقتصاد واما بالنسبة للاحصاء انت لما تفهمه راح يختصر عليك اشياء كثيرة جدا جدا جدا لما تجي تذاكر الادارة المالية
اما المادة الخامسة ما اقدر انصحك باي مادة من دون ما اذكر لك ليش السبب اللي يخليك تاخذها ولا اعرف شي عن مواد المستوى الرابع عشان كذا انت شوف اللي يناسبك واتمنى لي ولك وللجميع التوفيق والنجاح