|
(قصه وقصيده ) اعجبتني وعساه تعجبكم
كان الشاعر يحب فتاة في دياره بالشمال ، وماقسم الله بينهم نصيب وتزوجت البنت من واحد ثاني وسافرت وكان الشاعر يحبها حب خيالي
وبعد ثمان سنوات كان الشاعر يعمل مدرسا وجاءه نقل اجباري لمنطقه بعيدة الظاهر في الجنوب
ويوم داوم اول يوم في المدرسه وكانت ابتدائي شاف بين الاطفال طفل غريب يحس بشي يجذبه له ، ويوم ابتسم الطفل ناداه المدرس
وقال له من انت ولده ؟ قال له انا ولد فلان ، قال له :انت امك فلانه ؟ قال الطفل :ايه
سكت المدرس وكتب القصيدة ، ومن بكره عطاها الطفل وقاله عطها امك ------------------
غابت ثمان سنيـن حـل(ن) وترحـال
غابـت ثمـان كلـهـا مدلهـمـه
،،،،،
قضيتها بالحـب والشـوق رحـال
شوق(ن) تحدى كـل يائسـه وهمـه
،،،،،
سألت عنها اسنين وشهور وليـال
ولا فيه فـج(ن) غيـر وجهـت يمـه
،،،،،
وعقب الثمان اللي تعبها برى الحال
جاب الزمـان الكارثـه والمطمـه
،،،،،،
جاني ولدها مبتسم بيـن الاطفـال
و من بسمته ذكرت انا بسمة امـه
،،،،،،
شفته وصاحت داخلي كـل الأمـال
بصوت(ن) عجزت بكتم الأنفاس المـة
،،،،،،
وركضت له دمعي على الخد منهال
ومن كثر شوقي قمت بالحيل اضمه
،،،،،
ولحظة حضنته والطفل في يدي مال
شميت ريحتها على اطـراف كمـه
،،،،،،
واستلهمت نفسي مقاديـم الاهـوال
وتم الضيـاع واكـدت لـي متمـه
،،،،،،،
ليت الغياب اللي شغل غربتي طـال
ولا دور العاشق على حـرق دمـه
،،،،،،
اليوم بنت الناس فـي بيـت رجـال
حب(ن) على غير الشرف لـي مذمـه
،،،،،،
مجبور اعود واشتكي لكل الأميـال
بنفس(ن) .. حزينة .. كائبة .. مستهمة
،،،،،،
برجع غريب(ن) سكتـه بـر وارمـال
يموت .. يحيى .. يندفـن مايهمـه
|