..::من اشعاري القديمه احببت ان تشاركوني بها::..
/
\
/
يالعنبو (الحظ الردي) يابن فـهـاد # ماشفت منــه يــارفيـــقي .... حفـــاوه
من صغر سني والبهاذيل تنعاد # نفس المشاهد..(هم .. ضيق .. وشقاوه )
لو للشقا ياخوك تكريم وأمجاد # خذيـــت انــا منـصب رفيــــع... وعــلاوه
واليوم حظي..رافقن ديرة الضاد # لشــام العروبـه ... ياحيـــاة القســــاوه
لاتسألن وشلون ؟ .. والجمر وقاد # خلن اريّـــح ... واستـــلـذه الهــداوه
واعلمك من عقبها علومٍ جداد # وانــت الطبيــب وعنــدك الجـــرح ..داوه
خلن افضفض .. يابعد زيد وزياد # مادري عسـى يمكن تــزول الغشـــاوه
انت الخوي في كل موعد وميعاد # وطبعك واعرفه .. (طيب قلب ونــقاوه)
عامين وانا لاريش العين رواد # غديت شــامي .. عقب طبــــع البـــداوه
من شانها امشي مشاويرٍ بعاد # مثــــل السفيــه الـــي بعقـــله.. فضــاوه
للشام طول الوقت .. (سرداد مرداد) # ابي الحلاوه .. مار مامن حـــلاوه
اركبت روحي دين وهموم واقصاد # وكــل يــوم مني للحبيّــب.. رضـاوه
دفعت له بالكاش يانسل الاجواد # وجتني النتيــجه ..( طيـــرولي رنــاوه)
كنت احسبه بالحب ..والحب (قـو.. ) # واثره بـ(كم الدفع) وخذها طراوه