المشاركة الأصلية كتبت بواسطة سلمان اللحيدان

خالد قل آمين أن شاء الله تدخل أسواق العثيم وتفوز بالسله المجانيه ويطلعلك كوبون سحب بعلبة زيت النخلتين وتدخل السحب ويطلع أسمك الاول .. لكن يسحبون فيك سنتين وتنسى الموضوع وتتخرج من الجامعه بتفوق وبعدها بيوم يدق عليك سوداني ويقولك مبروووك ربحت سيارة مايباخ وتروح للوكاله ويسومها منك مدير الفرع وتبيعها له ب1400,000 ريال ريال ينطح ريال وتروح تشتري فيهن 27 سيارة كرولا وكاله أصفااار وتفتح مكتب تأجير سيارات وينجح معك المشروع وتصير هااامور وبيوم من الايام يجيك زبون يبي يستأجر وتعرفه من أسمه يطلع ( سلمان اللحيدان ) وتحلف عليه أنك تهديه كرولا وحده!!!!!!وأروح أنا أكد على الكرولا وألقى راعي مايباخ متعطل بآخر الليل ومعه عايله وأحلف عليه ألا ياخذ سيارتي ويكمل طريقه وبعدين أجيه بديرته ويحلف علي ألا آخذ المايباخ لأني أنقذته هو وعايلته وهي تصغر بعيني الكرولا عقب المايباخ .. قلت ياولد خالد أهداني الكرولا والحين معي المايباخ ورا ماأرجعه له وأروح يمك وأقولك السالفه وأنت تعرض علي أني أشاركك بمشروعك مقابل يوم المايباخ معك ويوم معي .... هاه وشرايك أكمل بعد ترا فاضي وليلة جمعه