أولا السلام عليكم وتحية خاصة لك ياأنيس النفوس وبعدين أتمنى أنا حلمي يتفسر ولا مرة حلمت حلمة وتفسرت زي الناس كله أضغاث أحلام ليه ياربي أحلمي كلها خرابيط مادري
حلمي :حلمت إن أنا في محل عطور ورحت أجرب العطر وشفت وحدة وجربتها وعجبتني رائحتها وكانت عطر رجالي لونها رمادي وفيه من هذا العطر زجاجتين وحدة كبيرة والثانية صغيرة قلت للبائع الله رائحتها مرة حلوة ابيها قال لي فيه كبيرة وصغيرة تبين الصغيرة ولا الكبيرة قلت له لا الصغيرة وشريت الصغيرة على قد فلوسي ولأن الزجاجة الصغيرونة شكلها أحلى وتنحط في الجنطه وبس أنتهى الحلم
على فكرة ماركة العطر ماعرفها ولا هي مثل ماركات العطور الي اشتريهم وحتى المحل ماأعرف اسمة ولا في أي مكان هو والبائع أول مرة أشوف شكلة ماعرفة من قبل وكان يرتدي قميص رمادي وبنطلون رمادي وهو متوسط القامة أبيضاني وشعره محتوت يعني مافيه شعر في الوسط بس على الجوانب وخفيف يدوب ينشاف هالشعر يعني صوفتين على الجنب بس ولكن الرجال شكله طيب بن حلال