" المعاناه "
ياليل خبرني على أمر المعاناة .. هي من صميم الذات ولا أجنبيه
هي هاجس يسهر عيوني ولا بات .. أو خفقه تجمح بقلبي عصيه
أوصرخه تمردت فوق الاصوات .. أو ونة وسط الظماير خفيه
أوعبرة تعلقت بين نظرات .. أو الدموع اللى تسابق هميه
أعانى الساعه وأعانى مسافات .. وأعانى رياح الزمان العتيه
وأصور معاناتى حروف وابيات .. يلقى بها راعي الولع جاذبيه
ولاني بندمان على كل ما فات .. أخذت من حلو الزمان ورديه
هذي حياتي عشتها كيف ماجات .. آخذ من أيامي وأرد العطيه
" الحزن في صوتك "
الـحزن فـي صـونك أزعـج ساكني
لـين صار الكون من حولي حزين
غـصب عـني حـزن صوتك هاجني
لـيـن خـلَّـى عـاصي الـمعنى يـلين
وامـتـثل حــرف الـقصيد وعـادني
وانسكب حزنك على شِعري حنين
شِـلت أنـا صـوتك وحـزنك شـالني
أكْـتـم الـصـرخه ويـنـساب الأنـين
شِـفت حـزنك كـيف حـزنك شـافني
كـيف داهـم خـلوتي فـي لـحظتين
طـيـر أنــا مـثـلك زمـانـي ضـامني
جـرّحـتني مـثـلك سـيوف الـسنين
صـابـك الـلـى مــن زمــانٍ صـابني
فـي مـعاليق الـحشا جـرحه دفـين
الــفـرح عــقـب الـصـداقه هـابـني
خـافت الـبسمه عـلى وجهي تبين
طـير يـا اللّي صوت حْزنك هاضني
الله الــلــي يـنـتـصـر لـلـصـابـرين
" هاجس الذكرى "
في غير الزمــــان
في نفس المكان
مرتني الذكرى و انا واقف
في نفس المكان
في غير الزمان
ياما ياما ضحكت أيام لكني بكيت
ياما ياما حلمت أحلام لكني صحيت
منها ابتديت و فيها انتهيت
الا من الذكرى
قالت لي الذكرى كلام عني ... والله بغيت انساه
و صاحت ربابة شوق و اثر النغم مني
يشكي و أنا شكواه
و غنى صوت في لحظة فرح
و هلت عين و قلبي انجرح
في عينها نظرة عتب
و بصوتها جرح و تعب
و شفت ابتسامه عليها هلت الدمعه
و نظرة ملامه من الماضي على ربعه
و انا مع الذكرى
في نفس المكان في غير الزمان
تعطيني الذكرى و لا تاخذ أبد
تحكيلي الذكرى و لا تسمع لاحد
و انا عندي كلام ممنوع حتى عن الخاطر
لا ياخذه أمسي و لا يقبله باكر
مقدر أوضح غايب الصوره
و لا أزود للمسا نوره
الله الله يا ذكرى
الله يا ذكرى ياما فهمتيني خطأ
ياما قدم رجلك على جمرك خطا
و اليوم هيضني هواي
أمشي و لا ادري وش بلاي
هو من شقاي اللي مضى و الا هناي
و انا مع الذكرى
في نفس المكان
في غير الزمان
" طال السفر "
طال السفر
والمنتظر مل صبره
والشوق يا محبوب في ناظري شاب
رد النظر
خليت بالكف جمره
سعيرها في داخل القلب شباب
عز الخبر
والمهتوي ضاق صدره
يا من يرد العلم عن هاك الأحباب
طيفه عبر
ما أرسل مع الطيف عذره
هو خاطره من لوعتي ما بعد طاب
هو ما ذكر
أن الجفا فيه كسره
للخافق اللي من هوى صاحبه ذاب
يا ما سهر
طرفي على حبس عبره
اردها والوجد للدمع جذاب
دمعٍ حدر
جاله على المنع جسره
عظيم وجدي للدمع شرع الباب
يوم وشهر
عزاه والعمر مره
والناس واجد لكن الولف غلاب
" في سحابه "
في سحابه
على متن التمني
شفت عمري
خيال في سحابه
يا ذهابه
تعدى ما ارجهن
كن عامه
نهار يا ذهابه
من غدا به
ربيع العمر مني
حسبي الله
على وقت غدا به
إلتوى به
رجا قلب يون
ويل قلب تعلق والتوى به
في شبابه
حبس نشواه عني
ما تهيا لذيذه في شبابه
ذا صوابه
عقب ما هو طعني
لو نسيته يذكرني صوابه
من هقابه
يخيب كل ظني
واعذاب الخفوق اللي هقابه
رد بابه
زماني وامتحني
يوم ثور عجاجه
رد بابه
يا ربابه
على المسحوب غني
من قصيدي
بكى قوس الربابه
.. يتبع ..