والشاعر " أسير الشوق " غني عن التعريف , يحمل في قصائده الكثير من عذب الكلام ..
وتبقى أعذب كلماته ترفرف , وحروفه في عقولنا , وكأنه يحاول أن يحرك القلب البارد ..
ليتحرك مع كل بيت شعر ...
وهذه بعض قصائد صاحب السمو الملكي الأمير نواف بن فيصل بن فهد بن عبدالعزيز آل سعود " الرائعـــــه "
متى عرفتيني
متى عرفتيني حتى تحبيني
لو جلت لك بدري ما أظن أنا غلطان
متى لمحتى الشوق و الصدق في عيني
و بيني و بينك درب غربه و بيبان
وش تحسبين الحب يللي تحاكيني
الحب ماهو سالفه بين خلان
الحب صدق إحساس وسط الشرايني
الحب يا صوت لفى نبض ولهان
اليوم لا جلتي معك باكر تنسيني
هذي الحقيقه و إسألي كل إنسان
أنتي خدعتي إحساسك لا ما خدعتيني
و المختبي مع مر الأيام لازم يبان
لا تسأليني ليه وش صار وش فيني
لا تلعبين بـ خافق ٍ بات حيران
كانك تبين القرب شبي و دفيني
ولا إتركيني بـ زحمة البعد بردان
إسمحي لي يا الغرام
إسمحيلي يالغـرام العف يالوجـه السموح
إن لزمت الصمـت إو حتى لبست الاقنعـه
أعترف لك ما بقى من عالي الهمـه سفوح
إنحـدر كلي كمـا طفلـن تحـدر مدمعـه
آه ياجور الحزن وياي وفي الفرحه شحوح
ضايعـن بهمـومي الغبرا بـ وسط المعمعه
أشتكي لوسادتي دنيـاي وأسمعها تنـوح
كنها بعضي و بعضي ويـن هو منهو معه
مختلط في عبرتي حبر الشقا ودم الجروح
ومستوي في نظرتي غرب الوجود ومطلعه
عودي المبري بقابه من بقايا الوقت روح
وفصل خامس حايرن بين الفصول الاربعه
راس مالي ذكريات وحلم وآمـال وطموح
لا صديـق ولا رفيـق ولا طريقـن أتبعه
سامحيني دام عذري واضحن كل الوضوح
وإسمحيـلي بـ الرحيـل بـ لا تذاكر وأمتعـه
" يبتع