يســـألــــونـــي
يسألوني ليه أحبك حب ما حبه بشر
وليه أنت في حياتي شمسها وأنتي القمر
وليه صوتك لي وصل صحراي ويملاها الزهر
علميهم يا الحبيبه ... أه يا أغلى حبيبه
يسألوني وليتهم مثلي يعيشون الهوى
الأصابع في الإيدين الواحده ما هي سوى
عندهم حبك طبيعي وعندي فوق المستوى
إعذريهم يا الحبيبه ... أه يا أغلى حبيبه
يسألوني وفي شفاتي يرتعد حر الجواب
ما دروا أنتي بـ حياتي راحتي وأنتي العذاب
وأنتي حلمي إللي عشقته وطار بي فوق السحاب
خبريهم يا الحبيبه ... أه يا أغلى حبيبه
يسألوني وأنتي أكبر من سوالفهم جميع
وأنتي أجمل ما خلق ربي في هـ الكون الوسيع
وإني أتلاشى بـ دون عيونك الخجلى أضيع
علميهم يا الحبيبه ... أه يا أغلى حبيبه