|
قراري النهااااااائي يالله الخيرة قبل 24 ساعة من وداع الحلم
السلام عليكم ورحمة الله وبركاته
شخباركم وشلون اجازتكم ان شاء الله مبسوطين عقبال النتايج الحلوة والمعدلات العالية هالاسبوع ان شاء الله .gif "(204)")
بدخل بالموضوع على طول والله يجعل ما اخترته فيه الخيرة ان شاء الله ومحتاجة دعواتكم بالتوفيق الله يوفقنا وياكم اجمعين 
ياعيال يابنات يعلم الله وش كثر اعزكم انتم وخواتي البنات واتمنى لكم من كل كل قلبي كل خير
ويعلم الله اني عشت معكم لحظات حلوة وحرجة ومفرحة وايام ضغط ومزح وضحك وتعاون واخوة
ومحبة لله في الله 
وبعد اسابيع حرجة عشت ثوانيها ودقائقها بالتفكير المستمر وانشغال البال والتردد
وبعد ماشفت ردودكم ورسائلكم في اكثر من موضوع لي بقوووولكم :
وااااااااااالله ماهااااااااااااااان علـــــــــــــــي اخليــــــــــكم ونتفـــــــــارق  
ياعيال يابنات والله ورب البيت ماهان علي اخليكم ونتفارق جرح بقلبي يااااااكبره
لذلك .................. وقبل 24 ساعة من اغلاق ايقونة تغيير التخصص حبيت اخبركم اني ............
قررت اتراجع عن قراري وراح اواصل معكم في دارة الاعمال واللي يجري عليكم يجري علي  هههههه
ههه ياعيال بالله شجعوني ترا اكتب والله والغصة بحلقي ودموعي تناقز خابرة وراي الموت الحمر الرياضيات 
ويوم حسبتها صح لقيت اني بخسر سنة كاملة وقبل كم يوم شيكت على خطتهم الدراسية حقون الانجليزي
لقيت الغثا واجد فيها عندنا وعندهم خير  واقدر ادخل واعدي واواصل لغة انجليزية
واحقق حلمي اللي تقطع علي على ايام ماكنت ادرس بكالوريوس منتظم
لكن يعلم ربي والعبرة في حلقي الآن اني ماقدرت اخش معهم احس اني غريبة عنهم لو جيت بمنتداهم
وفكرت شعوري وتخيلت نفسي وانا متعودة اضغط اول ماادخل الملتقى الاسم الاحمر ادارة اعمال مستوى ثاني
تخيلت نفسي اشوفكم واقرا مواضيعكم واتذكر اساميكم واحد واحد ورب البيت ان دموعي غرقت عيوني الحين وماعاد اشوف الشاشة
صعبة صعبة ياعيال افارقكم >> مشكلتي يذبحني الوفاء والحنين وابدأ في الندم وجلد الذات  ههه تبون الصراحة وعلى بلاطة ........
احببببببببببببكم يااخواني وخواتي والله احببببببببببكم في الله حب وربي يصعب علاجه ههههه 
وببقى معاكم ان شاء الله وبدل الحلم حلم ان شاء الله وعلى قولة المثل حشر مع الناس عيد 
سهالات صح قولوا سهالات وتنقزين ان شاء الله معانا كل المستويات 
لكن توهقت انا ماخذيت الاقتصاد الكلي والرياضيات المروح  والمحاسبة 2 وش السواة هالحين
اقدر الحقكم ؟ ابي مواد اقدر اجمعها مع بعض وماتأخرني عنكم كثير ان شاء الله
علما اني خذيت هالسمستر العقيدة والمذاهب والانجليزي   والصحة واللياقة وتقنية1 ومهارات البحث والتفكير
والف الف مليون ترلليون شكر وتقدير وعرفان لكل احبتي واخواني وخواتي من المستوى الثاني والثالث
وكل المستويات اللي وقفوا معاي وساندوني وساعدوني
والله لولا دعمكم يالغالين وتوفيق الله اولا واخيرا ماشفتوني معكم لان علي ضغط الله يعلم فيه
لكن ان شاءالله مادمت بينكم ان شاء الله اني بخير يا اغلا الناس
|