وينك فقدتك ماتوقعتك تغيب ..
..وتصد عني يامنى الروح ساعه
ماكنت أظن بيوم ظني بك يخيب..
.. ويضيق بي الكون عقب اتساعه
وشلون تبغى القلب من جرحك يطيب..
لاصار جرح الحب .. ماهوشجاعه
أشرهه وعاتب واجعل الرأس به شيب..
.. شيب الغلا ماهو بشيب المجاعه
ياكثر ماتخطي وياكثر ماتصيب..
.. وياكثر مايعلن خفوقك وداعه
صبرت لين الصبر زاد العذاريب..
.. من قو ماصبر صبري أعلن ضياعه
قلبي عواء ذيبه بروس المراقيب..
..يبغى حبال الوصل عقب القطاعه
أسمك طبعته بالحشى والمكاتيب..
.. وان كان ماصدقت شوف الطباعه
لوشيعوا قلبي بليزر و اساليب..
.. تطلع حروف اسمك بوسط الاشاعه