كثر المواصل فالهوى ما هو بزين
ودك بخلـك بيـن مـده ومـده
لأن البني أدم ما ترك طبعه الشين
لا حب له شي وشبع منـه هـده
لكن لا منه جاك من حين لحيـن
قـدرت جياتـه وقـدرت صـده
إن قلت أبيك وقال ما هو بذلحين
لا تضايقه يمكن ظروفـه تحـده
اصبر عليه ايام وشهور وسنيـن
كانـه يـودك وكـانـك تــوده
وخلك لا منه عطاك لا تطلبه دين
ما جاك منه خـذه ومـا رده رده
ولا تسوي مثل نـاس مساكيـن
اصلك وفصلك فالهـوى لا تعـده
الحب ما يعرف قبيلـه ولا ديـن
نكس حكومـات وكسـر اشـده
جووه عقـال وراحـوا مجانيـن
وكم واحد خاضه ولا هـو بقـده
يقوله اللـي جاحـد علتـه ليـن
سم الهوى حالـه وبيـح بسـده
هذا كلامي وانت بتشوف بعديـن
والله تميز بيـن مزحـه وجـده