|
رد: ,!,!,!.!.! أقول لك شي !,!,!,!,
يامسافره مع جناح الطيـر....حسبي على الطير من هـدّه
.ضفّك جناحه وعيّن خيـر....وحبـال الأشـواق ممتـدّه
يابنت .. ما للسفـر تبريـر....خص ٍ ليـا طالـت المـدّه
انتي تقوليـن جـدّه غيـر....وانتي بعد غير عن جـدّه ؟
جيتي بحرها وجـاك مغيـر....مشتال موجه علـى يـدّه
المـوج ودّه يضمّـك ميـر....البـحـر .. ودّه ولا ودّه
يانفحـة الشيـح والنويّـر....سداح بـاح الجفـا سـدّه
وش خانة الشعـر والتعبيـر....أبني لـك البيـت وأهـدّه
دايم وطيفك ضحى واعصير....يشـنّ هجمـات مرتـدّه
واليا عرض لي عكست السير....وسيلّت دمعي على خدّه !
الياس يقضى على التفكيـر....وافزع ورا الصبر وارتـدّه
وانـادي الحلـم للتفسيـر....ولازلت .. ولا زالت الشدّه
.من يوم كنتي وكنت صغير....نضحك على العمر ونعـدّه
واليا حصل بيننـا تقصيـر....نصدّ .. ولا تبطي الصـدّه
لين ابتدا الشيب والتوقيـر....وعلاقتـي معـك مشتـدّه
محبّه .. وحشمه .. وتقديـر....ويضدنـا الحـظ ونضـدّه
منتي على موجـة التغييـر.....يابنـت الأجـواد محتـدّه
ويا اللي تقولين جدّه غيـر....انتي بعد غيـر عـن جـدّه
|