|
رد: عاجل من صحيفة عاجل بخصوص الانتساب
اولا هذي الوزاره مثل قلتها لان فيه بنات وشباب متخرجين وبمعدلات جيده جدا وانتظام اخرتها البنات جالسين ببيوتهم والشباب توجهوا للقطاع العسكري وشهادتهم ماستفادوا منها ودراستهم راحت هباء منثورا لإن الوزاره من يوم عرفتها وهي تقول ماقدرنا نستوعب الخريجين وتوظيفهم
ثانيا انا لااستغرب اذا فظلوا علينا المنتظمين لان المنتظمين نفسهم ينشقون لشقين فيه منهم تربوي (اللي يطبقون بالمدارس)وفي منهم غير تربوي فيسوون مفاضله ويرشحون التربوي يعني بالعربي حتى الطالب المنتظم هو المظلوم اكثر دراسه وتعب ودوام لمدة اربع سنوات وحضور يومي واخرتها يفضلون واحد نفس تخصصه وامكن اقل من معدله بس عشانه تربوي
ثالثا انا اتوقع لو يقاعدووووووون المعلمين والمعلمات كبار السن اللي يدرسون بالمدراس الابتدائيه صارت الوحده اكبر من امي درستني وادرس بنتي الى الان يعني اكثر من خمسه وعشرين سنه ولاتنسووون ان اغلب اللي يدرسون الابتدائيه لايحملون شهادة البكالوريوس, فقط شهادة معهد ثانوي يعني مو افضل منا بشي على الاقل تعليمنا تعليم عالي حتى لوكنا منتسبين لو يقاعدونهم كان توفرت للجامعيين وظائف
يعني ياوزارة التعليم ماتوقع ان حملة شهادة المعاهد اللي تساوي شهادة الثانويه افضل من طالب يحمل شهادة بكالوريس تعليمه تعليم عالي وحتى لو لم يكن تربوي وهذا قمة الظلم
لكن مانقوووول الا ان رزقنا ليس بيدكم بل بيد من لا تغفي عينه
|