|
رد: Third year ~> level 5 New plan ^^
اقتباس:
المشاركة الأصلية كتبت بواسطة hopeful
بخصوص > ادب في عصر النهضة
بسألكم عن ثيم ماكبيث كيف نربط كل نقطه مع الاحداث ؟؟
اللي عندها الحل بليز تحطه لنا هينااا
على كثر ما ركزت على هالسؤال ... ما لقيت اجابته : (
بليز لحد يبخل
|
سهله المطلوب منك بس أنك تكونين عارفه الأحداث يعني (القصة) ....
بحاول أعطيك مثالين ولو أني ناسية المسرحية لكن من كثر ماحبيت ها المسرحية
أحس أني متذكره أشياء منها للحين >> بسك تفلسف 
المهم المثال الأول .... ثيم ال Ambition>> الي هو الطموح أنتي أربطي هاذا الثيم بالقصة كيف؟
مثلا وين حس ماكبث بالطموح هو وزوجتة ؟ أكيد أول ماسمعوا الساحرات الثلاث والنبؤة
حقتهم وانه اخر نبؤة ماكبث راح يكون ملك فاطموح ماكبث وبالأخص زوجتة خلتهم يخططون
لمقتل الملك عشان يصير ماكبث هو الملك عرفتي .... 
المثال الثاني ... ثيم ال supernatural >> إلي هو مافوق الطبيعة او الأشياء الغير طبيعية في المسرحية ..... مثل إيش ؟
مثلا تذكرين ماكبيث لما عزم الملك في قصرة وهي الليلة إلي كان راح يقتلة فيها .. قبل لا يقتل ماكبيث الملك كان يفكر لحاله وشوي إلا تخيل شكل خنجر ملطخ بالدم ... هذا الخنجر يأشر على غرفة نوم الملك .... يعني وش فهمتي هنا
أنو من علامات مافوق الطبيعة انه ماكبيث قام يتخيل أشياء مثل الخنجر الملطخ بالدم ... وهو تخيل كيذا من كثر ماهو متوتر وخايف من الجريمة إلي راح يسويها
طيب مثال أخر تذكرين لما ماكبيث امر بقتل صديقة أعتقد كان اسمة بانكو ... وفي هذا اليوم كان مسوي عزيمة عشاء في قصرة وهو قاعد على طاولة الطعام شاف شبح على شكل صديقة بانكو اعتقد هذا الشبح ملطخ بالدم او راسه مقطوع ههههههه
المهم وش فهمتي هنا انه كل ها أشياء غير طبيعية ماكبيث قام يتخيلها وهي اساسا مو موجودة ومحد يشوفها الا هو ... وهذا نتيجة الهلوسة والتوتر الي فية والشعور بالذنب لانه قتل الملك
أتمنا أنك فهمتي علي وطبعا نفس هاذي الطريقة تسوينها بباقي الثيمات ....
ولازم تكونين عارفة القصة عشان تفهمين إلي قلتة .... بالتوفيق 
|