عليه وعلى آله وصحبه الكرام افضل الصلاة وأزكى السلام

وعليكم السلام ورحمة الله وبركاته

أولا حبيت أشكركم من كل قلبي انتي ووردة على كلماتكم الرائعة وأنا ماأسوي إلا واجبي

أختي نداء تعليقي على كلامك وكلام البنات يمكن ياخذ مني أكثر من رد


أولا : بالنسبة بنات الأقسام الثانية أتوقع انك تعرفين صديقاتك وصديقاتهم مو كل بنات القسم تعرفينهم فإذا هم متعاونات هذا مايعني إن كل بنت في قسم الكيمياء أو باقي الأقسام متعاونة
وبالنسبة لملاحظتك على قسم الكيمياء بالذات يمكن لأنك شفتي تجمعهم هنا ماشاء الله تبارك الله وهذا ناتج عن كثرة عددهم بالإضافة لتعاونهم بس حابة أقول لك ان عددهم كثير لأن بعض البنات كانوا يبون يدخلون كيمياء حتى بدون رغبة في القسم بس عندهم اعتقاد انه له مستقبل وباقي الأقسام مالها مستقبل فعشان كذا مبين عليهم التعاون مقارنة بباقي الأقسام

وأكيد فيه عكس ذلك

ثانيا: بالنسبة لبنات قسم الفيزياء من واقع تجربتي معهم أربع سنين ونص:

دفعة 2008

فيها بنات ماشاء الله متعاونات بشكل مو طبيعي بس قلة قليلة وإذا هالبنات احتاجوا شي مايلاقون اللي يساعدونهم خصوصا لما كنا بسنة أولى طبعا احنا على طول اخترنا التخصص مادرسنا ترم تحضيري فكانوا أغلب البنات متحطمين من القسم

واللي مثل ماقالوا الأخوات مايكتبون المحاضرات مع انهم يحضرونها خصوصا اذا كان دكتور ويجون على آخر الترم أو اذا جا وقت اختبار أعمال السنة ويصورون الدفتر كامل وناس كانوا يسوون هالحركات مع ذلك يجيبون درجات حلوة يمكن أحسن من اللي محاضراتهم كاملة بالنسبة لي عليهم بالعافية وحتى لو جابوا معدل عالي ماراح يستفيدون منه كثير بعدين بعد مايتخرجون لأنهم ماجابوه عن فهم خصوصا الحين قبل كل شي لازم اختبارات تحدد المستوى

بعدين بدا الوضع يتحسن بعد سنة أولى ولله الحمد ماعدا بعض البنات مع الأسف الشديد

وفيه بنات حتى لو يسألون وحدة وتجاوبهم حتى كلمة عدلة مايقولون لها يعني يقعدون يتطنزون على كلامها كأنهم يقولون انتي شقاعدة تخربطين علينا والبنت مسكينة تجاوبهم عن فهم وبذمة وضمير ومن وراها يتكلمون عنها بكلام مو زين هاذي جزاتها انها متحملة اسلوبهم !!! <<< كل هذا حسد


الله يهدي الجميع


دفعة 2009 :love 080:

دفعة أتعب وأنا أقول إن أغلبهم متعاونات وأخلاقهم جدا راقية حتى اللي تحسينهم مو مهتمين بدراستهم بس اذا طلبتي منهم شي يساعدونك باللي يقدرون عليه حتى من ناحية المستوى الدراسي ماشاء الله تبارك الله مجموعة كبيرة مجتهدة حتى المتعثرات بس اسم (بحكم اني أدرس مادة هالترم كل اللي فيها متعثرات ) تعرفت على ناس تقولين جايبين ممتاز مع مرتبة الشرف الأولى وهم معدلاتهم للأسف نازلة شوي

وصارت مواقف (أعتذر عن ذكرها) من بعض البنات من دفعة معينة وهم قلة ومن هاذي المواقف عرفت انهم حاسدين بنات من الدفعة الثانية عشانهم ممتازات أكثر منهم ويقولون انهم مو متعاونات ومن هالكلام اللي ماله أساس من الصحة وعمموا هالكلام على الدفعة كاملة
مو عشان صار لهم موقف مع بنت حكموا على الدفعة كلها !!!

سبحان الله ما اكتشفت كل هذا الا لأني أدرس كل مادة مع ناس مختلفين وأشوف واسمع اللي يدور بين البنات سواء داخل المدرجات أو خارجها

دفعة 2010

ماأعرف منها الا بنتين وماشاء الله عليهم أخلاقهم راقية بس مادرست معاهم عشان أحكم عليهم بس نتفاءل ونقول فيهم الخير إن شاء الله وبالنسبة لمشاركتهم احس العام واللي قبل كانوا متواجدين أكثر بس بعد يظلون قلال

دفعة 2011 :love 080:

هالدفعة هاذي مميزة ماشاء الله تبارك الله سواء في المنتدى أو في الكلية والحمد لله إني تعرفت على بنات من هالدفعة الجميلة
وهالكلام مايخص قسم الفيزياء بس حتى اللي من الأقسام الثانية لأنهم ماشاء الله لما كانوا في التحضيري ما شفت ناس متعاونات زيهم الله يحفظهم


يتبع ...