ياعمري والله ماتسوى تنام وخاطرك زعلان..
لابد من شي يستاهل يخلي قلبك يعاني..
طلبتك كان لي خاطر تبعد عنك الاحزان..
فديـت عيونك الحلوه تبسم لو على شاني..
حبيبي صار لي مده أشوفك تايه وحيران ..
وانا والله لاشفتك حزين تزود أحزاني ..
أنا احبـك ولا ودي تعيش بدنيتك ندمان..
ترى الايام محسوبه وتالي العمر ذا فاني..
تصدق!! بسمتك والله تفرح خاطري الولهان..
يطير من الفرح قلبي واصير بعالم ثاني..
وإلى من شفتك بضيقه أحس اني أنا الغلطان..
أعاتب نفسي بنفسي ولو ماكنت أنا الجاني..
غلاك بداخل اعروقي ولا يوصل غلاك انسان..
يمر الوقت ويثبتلك غلاك ان الله أحياني..
واضحي بعمري لعيونك تنام انته وانت سهران..
وانادي جروحك لقلبي.. يجي واحد ورا الثاني...