ملتقى طلاب وطالبات جامعة الملك فيصل,جامعة الدمام - عرض مشاركة واحدة - عالمي من لحظة ( غيابك ) ظلام ، لا شعور ، ولا حياة ، ولا بشر ..!!

محمد بن جنيد · 2012- 1- 10

اليوم من الطفش افرفر في بعض المنتديات الي كنت اشارك فيها من كم سنه
واقرا مشاركاتي القديمه طبعا كلها بـ تاريخ 2004 و 2005 تقريبا

طبعا اقرا مشاركاتي وردودي واقول بنفسي ..(( وش احس فيه وقتها وانا كاتب كذا )) هههه
اخليكم مع مشاركتين اخترتهم لكم

اقتباس:

سلاام علااااكم

وشحالكم ياشباب عساكم طيبين انا اليوم فاضي جداً وحبية اكتب هالموضوع
وانا من زمان ما شاركة حبية احط قصه من ايام منذو مبطي انشالله انها تعجبكم
الزبده وماني مطول علاااكم اليوم وانا اتمشى في المنتدى ومن قسم لين قسم ذكرت ايام منذو مبطي ايام ما كنت اطلع الحداق
الزبده هذي مره من طلعات الحداق وانا والشباب كنا طالعين اربعه شباب
الموهم قرررت انا اغوص ((ادور لولو)) وطبعاً حاط حق الملابس (( مايعرف شسمه متوهق )) على خشمي وانط
في البحر واقعد ادور لولو في وسط البحر ولما اخذت فره واشوي الا المفاجئه حصلت
خوينا (( ابو منسدح )) قاعد يغوص واسلم عليه وتنقهوى تحت الماي ونقوم انا وياه وندور لولو
واثاريه طلع (( احول تحت البحر )) جا عند المحار وخلاها وماسك له عشبه على باله محاره
وانا قاعد اجمع اللولو ويهاجمني سمك القرش هو شافني وطردي وراي لين ركبت الطراد (( امحق ))
الموهم ولاني مطول علااكم سمكة القرش حطتني براسها وقعدة تلاحقنا وقامت تاكل الشباب الي معاي
واحد ورى الثاتي لين صفيت انا بلحالي ويقعد يتحرش ويهز الطراد مافي امل
واقعد بلحالي بالطراد استنى احد ينقذني والقرش لحد الحين مصمم ياكلني
وفجاه صار ازعاج وصار يرتفع البحر وموج ويطلع لي الحوت (( ابو نافوره ))
ويقولي وش فيك يابو تراك مزعجنا ماتدري انها منطقة عوايل اخلص وشعندك(( امحق حوت ))
قلت والله منقطع بانزين وخويكم القرش ماذينا واكل اخوياي
ويقول الحوت يحوول الله هالقرش ماخلي احد في بحاله ياما تصطر ولا يتوب واالا اقولك غير تقلط عندي (( هذا الحوت ))
ويحلف علي الحوت اني اريح عنده في بيته ويوم شفت الحوت مصمم رحت عنده والحوت ماقصر معاي ماغيير يذبح الذبايح (( خرفان البحر ))
وثاني يوم الصباح جاني الحوت يزعجني يقومني واقوم له وشعندك قال مشينا السوق نبي نروح نقز قلت يالله
مدام السالفه قز اخذلي شاور واكشخ واروح معك والمهم ويركبني سيارته الجيب ونروح للسوق
ويقعد يرقم سمكات وطردي ورى السمكات وم سوالف ردي ياحلوه والا عطينا وجه وهم معطينا سيفون
وفي وسط هالفر بالسوق وتمر سمكه (( تشبه نانسي عجرم )) وانا فتحة فمي واقول لحوت وراها واطردي وراها
حنا ماخليناها وشوي الا خوينا انحرج وغير رايه ولين نشبت للحوت وقالي انها بنت شيخ
وانا طبعاً خلااص حبيتها دخلة مخي واقعد ادور عند بيتهم لين اكتشفت انها عزوبيه ماهي مخطوبه
واروح للحوت واخذه معاي ونروح نخطبها وندخل على ابو السمكه قلت له السالفه والشايب وافق وتزوجة السمكه
وبعد شهر العسل جاني عمي الي هو ابو العروسه وقالي ياولدي مدام انك اخذت بنتي السمكه لازم تتحول الى سمكه
عاد شوفوا المصيبه ((مصرقع سمكه بكره يصيدوني ويسون مني كبسة سمك ماتسوى ههههههه )) المهم واقعد احاول فيهم
ماوفقوا واحاول مع عمي ياعمي غير رايك ما لها داعي لين زهقة وقررة النحشه وينش يالديره ابرجع ديرتي
وفي اخر الليل شلة قشي ودخلة زوجتي السمكه كذبت عليها قلت لهم بروح اودع اهلي البشر وارجع لكم
والسمكه مسكينه تبكي (( انكسر خاطره )) وفي الليل سرقة خيل من الحوت وخريطه لين عشان ارجع السعوديه
وثلاث ايام وانا في الطريق لين وصلت الي جزيره واطلع وانا مستانس واثرني رحت لجزيره
يالله ماني مطول عليكم بخلي التمكله بالجزء الثاني رحلتي بالجزيره المهجوره ههههههه

تحياتي
ابوساره

اقتباس:

السلام علااااااكم

وشحالكم ياعيال وصبايا انشالله كتير منيحين <<<<< لك يقبرني محلاه خخخخخ
مثل ماشغتوا من قبل قصتي يوم رحت الحداق ولما تزوجت السمكه وبعدين سرقة الخيل وانحشت
واني طبيت في جزيره مهجوره (( يالطيف اللطف يارب ))
الموهم بعد ماوصلت الجزيره قررت اني ارتاح فيها وبعدين يحلها الف حلال
ووقعدة اتمشى واحوس داخل هالجزيره طبعاً هالكلام بنص النهار وقاعد ادورلي اكل
واروح مطعم الجزيره واطلب ثلاث حبات شاورما وعصير رقي حجم كبير(( امحق جزيره )) وانسدح على الشاطي
واتغدى واعين من الله خير الموهم وانا منسدح من تعبب السفر رقدة على الشاطي
ولما صحيت من النوم في العصر غسلت وجهي ورحت اتمشى وانا قاعد اتمشى
توقعوا وش صار

يالله توقعوا

ماعرفتوا

طيب
طيب انا بقولكم
هاجمني نمر (( يالطيف اللطف يارب )) الموهم النمر يبي ياكلني وانا انحشت وهو وراي
انا اركض وهو وراي يحوووووول الله وش يفكنا منه ذا واقعد اركض كم170 والضغط كان على الخمسه هههههههههههه
(( حشا سياره مهوب صرقروع )) وانا قاعد اركض ضربت رجلي بغصن شجره واطيح على وجهي شوفوا الوهقه
وبسرعه قمت ابركض ويطلع بوجهي طريق مسدودبشجر والنمر وراي خلاااص قعدة اتشهد ((اكلك منين ياقطه ))
وشوي والا المفاجئه سمعة صراخ وزحمه بين الشجر وطلع من بين الشجر طرزان ويشيلني وهو طاير وياخذني معاه وينقذني
من النمر الشرير وياخذني طرزان بيته وقلت له قصتي مع الحداق وشلون انحشت من شلة السمك
واني ابي ابروح ديرتي جيت عندهم بالغلط طرزان ماقصر معاي اكرمني وعطاني هدوم من عنده سراويل من سعف
هي شوي مفصخه بس يالله اهم شي انها هدوم طبعاً الجزيره مافيها بنات عشان الجزيره مراقبه من الهيئه
ههههههه يعني السالفه مافيها قز
الموهم نرجع لسالفتنا قلت انا لطرزان ابيك تسويلي سفينه عشان اروح لديرتي والله المسكين ماقصر صنع لي سفينه
وعطاني اكل حق الطريق وقالي هالحين ليل وماله داعي تسافر الحين انتظر لين الصبح وبعدين سافر
وجلسة معاه سهرانين وفي نص السهره هاجمنا النسر العملاق ويخطف خوينا طرزان طبعاً طرزان انقذني من النمر لازم انقذه
من النسر هالحين
الموهم واخذ سلاح معاي واقعد الحق النسر وانا قاعد استخدم الحبال مالت الشجر عشان الحقه
ولين وصلت لعش النسر واضربه بسيفي على راسه وطاح على الارض وافك رباط خويي طرزان واخليه ينحاش بيته
وارجع للنسر وتهاوشت انا وياه طبعاً كان اقوى مني واخذ مني سلاحي
وابتلشت مدري شنواسوي وجاتني فكره خطيره خليته يقرب مني واعركبله واخليه يطيح على ظهره
واقعد على بطني وادغدعه من اباطه (( ريحه خايس هههههه )) وبطنه واخليه يضحك لين مات من الضحك
لما تاكدة انه مات دفنته وكتبت على قبره (( شهيد الضحك ))
ولما خلصنا من النسر وفكيت خوويي طرزان
اخذت سفينتي وانحشت واروح ديرتي
والحمد لله وصلت للديره
والى لقاء في رحله ثانيه

الاستفاده من القصه
1- يجب على البني ادم عدم التدخل فيما لا يعنيه
2-نام بدري وتغطى عدل عشان ماتجيك هالاحلام
3- اذا تبي تسافر خذ معاك ملابس والا تبي تتسلف هدوم ماهي مقاسك

تحياتي
ابوساره

كانهم سامجيين هههههه
الاقتباسين بتاريخ 2004 < كح كح قدييم ياشيييخ
الزبده هالله الله بالتسليك < لاعاد تكتب ذا السماجه مره ثانه