المشاركة الأصلية كتبت بواسطة خاتم سليمان أعتقد هذا من نفس طبيعه الكليه و التعامل بالكليه. لو تلاحظي إن أعضاء هيئه التدريس هم يفرقوا بين البنات سواء بالدرجات او غيره مثلاً اللي تجيب درجه حلوه هذي صارت بالسماء و اللي تاخذ درجه مش ولابد هذي صارت ماتفهم مع إن مو بالضروره هذا من ذكاء اللي أخذت درجه حلوه و مو من غباء اللي أخذت درجه سيئه. في أسباب كثيره منها مثلاً تعب او إنشغال تخلي الطالبه تاخذ درجه سيئه و مثل ماقلتي في طالبات عندهم أسئله السنوات السابقه و الدكاتره يجيبون نفس الأسئله يعني شي طبيعي اللي عندها الأسئله راح تجيب درجه حلوه. و بعد بعض أعضاء هيئه التدريس طلعوا بموضه جديده، الطالبه اللي أنا راضيه عنها و داخله مزاجي هذي راح أعطيها درجات و اللي مو حابتنها و شايفه دمها ثقيل على قلبي راح أنقصها. عذراً على الإطاله لكن هذا رأيي و خبرتي من خلال زيارتي في أكثر من جامعه.

صدقتي بعضهم عندهم الدرجات اللي هي مقياس مستوى الطالبة وهذا غلط وزي ماقلت أنا درست مادة كل اللي معاي فيها متعثرات
بحكم اني خطة قديمة فاتحين المادة بس حق اللي حاملينها أو حاذفينها وكلهم معدلاتهم نازلة بس بعضهم مو مبين عليهم ماشاء الله تبارك الرحمن

ومن ناحية التفرقة بين البنات هو شي حلو ان البنت المتميزة تلاقي تشجيع من دكتورتها لأن هذا يعطيها دافع
وفيه بنات صدق يستاهلون بس مايكون بشكل كبير قدام البنات لأن فيه بنات مع الأسف الشديد بيشتغل عندهم الحسد مو بس الغيرة
وهذا صار مع بنات وقالوا لي عن الموقف اللي صار والأفضل انها اذا كانت تبي تقول شي للبنت تكلمها برا عشان هالمواقف ماتصير معاها

والمحبة مالها دخل بالدرجات والحمد لله مامر علي هالشي لأنها شي في القلب وشي طبيعي ان فيه بنات يكونون محبوبين أكثر من غيرهم
بس الدكتورات لازم مايبينون هالشي قدام البنات لازم يجاملون شوي ويبينون لهم انهم يحبونهم بنفس الدرجة

كفيتي ووفيتي أختي خاتم سليمان