بسم الله الرحمن الرحيم
بالبداية احب اوضح استغرابي من هالموضوع
ونقدج بشكل كبير الممرضة
طيب انا بدرس تمريض وبأذن الواحد الأحد بكون ممرضة
هل هالشي يعني اني بمجرد توظيفي اني انحرفت ؟؟؟
او تحررت من عاداتنا وتقاليدنا طبعا لأ؟؟؟
هل هالشي يخليني ما اتزوج ؟؟؟؟
طبعا طبعا لأ
انتوا تنظرون إلى مهنة التمريض انها اختلاط وعفسة
نظروا لها من منظار ثاني
(( مهنة انسانية ))
ولا تدرين ترى الممرضة يمكن تكون اقرب للمريض من الدكتور نفسه
ولا راح تشوفين احن من قلب الممرضة
طيب وصار في شغلنا اختلاط
هل هالشي يعني انه احنا رحنا في الطريق الغلط ؟؟؟
هل صار حالنا حال الي تسوي وتفعل ؟؟؟
طبعا لأ
انا ما ادافع عن التمريض لأني داخلة تمريض
انا ادافع عن الحق والمنطق
وبالنسبة للأختلاط مثل ماقال اخوي مرزوق
اختلاط لأجل العمل يعني مو حرام
الخلوة الي حرام واعتقد في فرق بينهم
كوني ممرضة ما اعتتقد هالشي يعيبني او يقلل من شأني
انا ادرس وانا رافعة راسي فوق
فأنا اقدم خدمة لبنات وطني ولنفسي
عذرا بس لو انتي لا قدر الله مريضة
وزوجج يفضل تعاملج مع الدكتورة والممرضة
ماراح ينفعونج وقتها الا الممرضات الي من بنات بلدج
الي حتى راح يصير قلبهم عليج
ومو بس جذي حتى في التفاهم وياهم عن حالتج وآلامج احسن
بعد كل كلامي
بتقولين عمل الممرضة عيب؟؟؟؟
بصراحة مع احترامي الشديد
الي يفكر بهالطريقة سواء رجل او مرا
متخلف
ولاعنده نظرة للحياة صح
والله يكفينا شرهم
واعتذر عن الأطالة ....
اختك الممرضة مستقبلاً رغم تفكير الأغلبية الرجعي والسلبي:
ريــــــم