|
رد: وش بعد بـ الرقم الجامعي + الرقم السري ؟
ماشاء الله مبروك لكم جميعا
ثانيا لاتتحمسون لانكم بتنصدمون جامعتنا بطيئه وتعلمكم الصبر
تطق كبودكم لين تسوون اللي تبون 
هذا مش تحطيم ابد لكن اقولكم الواقع
اول شي لما يوصلكم الرقم الجامعي والباسوورد
تروحون البلاك بورد اللي هو حاليا مقفل لحد ماتعلن النتائج ماادري فاتح عندكم يالجدد والا لا
الموهيم مستوى اول تنزل لكم المواد تلقائيا بالبلاك بورد
كل ماده لما تفتحونها تلاقون تحتها اسم الدكتور ورقمه وايميله والخطه الدراسيه
بعدها على جنب تلاقون المحاضرات المسجله والمحتوى اللي هي المنهج وشرح الدكتور
فيه فيديو وفيه صوت فقط وفيه صوت مع شرائح تحملون اي وحده منهم وتحصلون الدرجه
او حتى مش لازم تحملونها يكفي تفتحونها خمس دقائق وتحسب لكم الدرجه
تحت المحاضره تلاقون ملف بوربوينت هذا هو المحتوى اللي تذاكرون منه اطبعوه وذاكروه
كمان تلاقون على جنب الواجبات هنا تنزل الواجبات الثلاث وتحلونها
وتلاقون ايضا منتديات الحوار ماادري المناقشه نسيت اسمها
المهم لكل ماده تنزل 14 مناقشه لازم تردون على كل مناقشه وعادي تقدرون تنسخون اجابات اللي قبلكم
وتلصقونها تحسب لكم الدرجه
وآخر شي المحاضرات المباشره هي عباره عن 3 محاضرات بالترم لكل ماده
تتقابلون مع الدكتور فيس تو فيس تسألونه ويرد عليكم
ثانيا فيه شي اسمه الخدمات الطلابيه
هذي فيها كل شي يخصكم لما تدخلون عليها مفهومه مايبي لها شرح
ثالثا الايميل الجامعي هذا لما تبغى تسأل الدكتور عن شي في المنهج او تراسلون العماده تخشون عليه من هنا
http://www.kfu.edu.sa/ar/pages/email.aspx
وطريقة الدخول مكتوبه تحت اللي هي EKFU\0000000000 << بدل الاصفار تحطون رقمكم الجامعي
وبخانة الباسوورد تحطون الرقم اللي ارسلوه لكم الجامعه
بس يبيلكم تنتظرون شوي لانو مايفعلونه لكم بسرعه
رابعا هنا المنتدى الرسمي للجامعه والعميد يقرأ ويرد فيه
http://kfuforums.kfu.edu.sa/forumdisplay.php?f=219
بالتوفيق 
وكل واحد يدفع ريال يله الشرح مش ببلاش
|