..................................... وعذري ان اللي كتبته بالغزل / كله خـ يـــال
نوب ارقع بالخيال .. ونوب ارقع بالقـــديم
...................................... ونوب اقول اني مقلّ / ولاكتبت بهالمجال
ماشقيت بخد نوف / ولاشقيت بعين ريم
...................................... من فضخ قلبي جمالك / ماملا عيني جمال
من عرفتك ياربيع العمر / ماشي في السليم
....................................... ماسكٍ سكة غلاتك / لايمين ، ولاشمال
من ملك مثلك ملاك / وعاش ماهو مستقيم
........................................ اعتقد ماراح يمشي / باقي سنينه عدال
ومن يعاف النصر / والله مايحوّل للزعيم
...................................... لو رجع يلعب حواري / مايفكر بالهلال
بس لاجابت هجوس الشعر / فكره بالصميم
................................. كيف اطوفها وانا اللي / عادتي صيد الجزال
مو صحيح ان القصايد / كلبوها سيم سيم
........................................ .. كل مقالٍ له مقام / وكل مقامٍ له مقال
ما أهيم بكل وادي / مثل مالعالم تهيم
................................... شابرٍ وادي الدهاء ../.. وشاربٍ ميّه زلال
شاعرك يابنت شاعر / من فضل ربي حكيم
.................................. رابط عصابة جوابه / قبل يِفْلَقْ بالسؤال
ماعلى العقل الفهيم / لياتعامل مع فهيم
..................................... البلا عقلٍ يتوه من ، العوابه والخبال
لو صحيح ان كل مرأه / خلّفت رجلٍ عظيم
................................. كان ماشفنا الفروق / الواضحه بين الرجال