ملتقى طلاب وطالبات جامعة الملك فيصل,جامعة الدمام - عرض مشاركة واحدة

منذو مبطي · #1 2012- 1- 14

السلام عليكم ورحمة الله وبركاته ..

يسعد مساكم بالخيرات ..

دخلت أمس للمنتدى وبدون مقدمات لقيت اسمي مضروب بوية

ومير يدخلن الشك الصحيح ..
قلت يمكن مع الاصلاحات بالمنتدى صبغوا الأعضاء على الطريق
أكيد الدهان آخذ الشغلة قطوعة

عاد ما دريت إلا والله الدعوة مهوب اللي على بالي
واثاري الإدارة طويلين العمر وحفظهم البارئ
هي اللي ضاربة منذو مبطي بوية لون زهري << وفي رواية لون وردي

عاد شاورت من شاورت .. والبعض رد علي والبعض معطين الخامس للحين

قلت وشلون أقدر أشكر الإدارة على هذي الثقة الكريمة

قالوا في بعض ناس راح ينزلون موضوع للجميع .. وأشوفه ما نزل للحين

عاد الصحيح منب محتري بعض ناس لعدة أسباب منها:
* حلاة الشي في وقته .. يعني حامي حامي
* فيه ناس تبي تهوش هنا - ما أقدر أصرح منهم لأسباب أمنية

- وقلت فرصة
* توجيه نداء للإدارة .. هالحين المشرفين أزرق والمشرفات وردي
طيب المتميزين وردي والمتميزات وردي

صباحكم عسل ..
تراي حبيت أفتح موضوع بهذه المناسبة الكريمة
وأترك لكم حق الشجب والاستنكار المطلق

بعد شكر الإدارة لتقديرهم الذي أسعى وأطمع أن يكون في محله

فلا تواخذونا

همسة :
* شكراً لكل من بارك هاتفياً وبرقياً ورسائلياً وحضورياً

وكذلك على الواتس أب وتويتر والفيس بوك
ولا مانع من استقبال التبريكات على التانقو

* أتوقع إن الجهات المعنية بعد هذا الموضوع تحسفوا على الصبغة المذكورة أعلاه.. وراح يتخذون الإجراءات الأمنية اللازمة

* متأكد إن هالموضوع مصيرة لأحد الخيارات التالية:
- ينقل لمكانه المناسب << عاد مدري وين يصلح الصحيح
- يغلق .. طبعاً لإجراء التحسينات اللازمة فلا يروح بالكم بعيد

- يخلع إلى دهاليز غير مرئية

بالأخير .. سامحونا