صرت أخاف من الكلام .. تصدقين !!
صرت أخاف..
يـاخذوني في غباء ويستلّذوني جهل ..
صدقيني صرت أقول لكل طاري شعر يطري لي تمهّل ..
مو على كيفك تجيني ..
تاخذ الوجد المعتّق من حنيني ..
تاخذه منّي وأنا محتاج أشمّه في ثياب اللي يمرون الكلام ..

صدقيني كنت شاعر..
في زمن خالي مشاعر ..
صدقيني .. أقدر أمدح لي وضيع
أقدر أخفض لي رفيع
أقدر وأقدر وأقدر
أقدر أخلق لك من الـ لا شعر شعر
أقدر آسوّغ من الـ لافكر فكر
أقدر آسوّي كثير
بس أنا أنسان يحكمني كثير ..
القناعة قيد واحلامي كبار ..