اخت ام عبد العزيز اظنك لك فتره طويله بالنقاشات في المنتديات
بس تظنين اسلوبك هذا هو الأسلوب الأمثل للنقاش؟
اذا خذتي الكلام الي يعجبك وتركتي الباقي بدون ما تعلقين عليه اظن بنظل ندور حول انفسنا ولا بنتوصل لنتيجه
المهم اشوف ان الشباب متفقين على بعض الأمور
الكل هنا يؤيد مهنة التمريض < حتى انتي نفسك > لكنك معترضه على مسألة الأختلاط ومسألة نظرة الشباب للي يعملون في التمريض < من ناحية الزواج طبعا لأن احنا متفقين ان التمرض مهنه شريفه >
اول شي الأختلاط
ليش انتي متشدده في هذي المسألة ؟ وليش ما تنظرين لها نظره موضوعية؟
ما هو رأي الشرع في هذه المسألة؟
ليش الاختلاط في المستشفى حرام/ ماذا عن المسجد الحرام/ الطواف/ المسعى/ المشاعر المقدسة/ هل نسيتي السوق
مو كله اختلاط في اختلاط
شرايك نبني كعبه للحريم وكعبه للرجال مسعى للحريم ومسعى للرجال شرايك نبني جدار يفصل بين الرجال والحريم في المشاعر المقدسة اما السوق فأنتوا يبغالكم من يبيع لكم صح؟ < هذا رد على كلامك انك تبين تفصلين بين الرجال والنساء في المستشفيات >
قبل ما تقررين هذا القرار لازم تتذكرين ان في شرع يحكمنا يعني حلال محمد حلال الى يوم القيامة وحرام محمد حرام الى يوم القيامة
طيب خلنا نعكس السؤال ونقول ليش ما ينفصلون مثل المدارس ؟
صحيح اهو سؤال منطقي لكن لا تنسين ان مهنة التمريض في الأساس نسائية ودور الرجال فيها هو دور المكمل يعني لو بنطبق كلامك بنظطر نشيل الرجال ونخلي ممرضات يمرضون الرجال وهذا يوقعهم في حرج شديد لأنهم بيطلعون على عورات المرضى الرجال >>>> على فكره ترى هذه الفكره مطروحة في المستشفى الي عندنا بالمنطقة بسبب جفاف معاملة الممرضين للمرضى
هنا في سؤال يطرح نفسه : ليش انتي تثيرين هذا الموضوع بهذه الطريقة ؟
هل عندك احصائيات دقيقة توضح حجم المشكله بسبب الأختلاط في المستشفيات ؟
تدرين انتي ان كليات التمريض تغلق ابوابها في وجه المتقدمات وكثير من البنات يتمنون الدراسه فيها لكن ليس بإمكانهم ذالك
يعني انتي لحالك تحسين بحجم المشكله وكل هذه البنات واهاليهم لا يشعرون بحجم هذه المشكله ويدفعون بناتهم للدراسه والعمل في هذا المجال
مسألة نظرة الشباب للبنت الي تعمل في مجال الصحة اظن هذا هو السبب الي خلاك تحطين الموضوع
ردي على هذه المسألة ببساطه < والله اني ناقشت الموضوع مع عدد من الي حولي وكلهم اتفقوا معي > وهو ان نظرت اي انسان تجاه اي انسان تعتبر رأي شخصي يمثله هو فقط يعني لا يقدم ولا يؤخر على الطرف الاخر
هذه المسألة مسألة خيارات شخصية يعني انا من حقي ان اظع الشروط الي ابغاها في شريكة حياتي وفلان من الناس من حقه ايظا وكذالك بالنسبة للبنت لها كامل الحرية في الموافقة او الرفض اذا تقدم لها طبيب او ممرض
لا تنسين ان كل الي ردوا متفقين على مهنة التمريض ويؤيدونها بما فيها من اختلاط يعني رفضهم للممرضه بسبب خياراتهم الشخصية
واذا كان الطبيب ممكن يغير رايه وما يتزوج طبيبة او ممرضه فنفس الشي ينطبق على باقي الناس ممكن وقت الزواج يغير رايه ويتزوج وحده تعمل في المستشفى يعني مثلا ولد خالي كان من اشد المعارضين ان البنت تشتغل في المستشفى اي نوع من الشغل والأن اشوفه خاطب له وحده تدرس في كلية صحية < طبعا انا عرفت من اهلي لأنه اهو ما له وجه يقول لي > يعني المسألة في النهاية خيارات شخصية
عزيزتي لا تنسين ان قبل كان الشباب يبغون البنت الصغيره للزواج ولا ينظرون للمدرسة ولا لراتبها لكن مع صعوبة المعيشة تغيرة نظرة المجتمع وصاروا يبحثون عن المدرسة وتأكدي ان مع الوقت المجتمع راح يتقبل الممرضات مو عشان راتبهم بس لاكن لأن مايصح الا الصحيح
بالنسبة لأرقام الممرضين في جوال اختي اظنك يوم سألتي عن هذه النقطه كنتي تقصدين ان يكون هناك علاقة غير شرعية بينهم < لا تنسين ان الكلام بين الرجل والأجنبيه عنه حرام الا في حدود معينه > لكن اذ خذته لأجل حالات الطوارئ < اهي تقدر تاخذ ارقام زميلاتها > فهذا اكيد ما فيه اشكال واذكر اني قلت لك اني بتعامل مع الموضوع بالطريقة المناسبة ما قلت اني بحرق اختي بالنار< واتمنى انك تاخذين النقاش بجدية مو تلفين وتدورين >
لا تنسين تردين على كلامي كلمه كلمه او تتركينه كله مو تاخذين كلمتين وتتركين الباقي
حاولي تنتقلين بالحوار لمراحل متقدمه لأنه ما ينفع نظل نعيد ونزيد في نفس الكلام كل واحد له نظرته الشخصية وهو حر فيها ونحن هنا لتبادل الأفكار