اول شي اقولك موضوعك جداً راقي ورااائع ومو شي جديد عليك معروفهـ بمواضيعك المميزة بتميزكـ~
برائي:~
الكنترول الذاتي جملة لها رنهـ في اذن الواعي والذكي ,,
الكنترول هوا كيف يقدر الانسان يتحكم بذاتهـ بتصرفاتهـ بتفكيرهـ باعصابة في كل موقف وساعهـ وحين يعمل لنفسهـ اعادة تهيئهـ وبرمجة من جديد وبطريقهـ سليمة ,,

الشي المعروف لي ولك وللجميع انو كل ممنوع مرغوب ,, والانسان في طفولته اذا وجهتيه وعلمتيه انو دا غلط ولا تعمل كدا بدون اسباب مقنعهـ رح يستغل اي فرصهـ غفله لك علشان يعملها ,,
الطفل في بداية حياتهـ يبدئ يسوي كل شي وهوا مايدري هو صح او غلط ثم بعد كدا يجي توجيه الاهل وهنا مربط الفرس لو كان الاهل واعيين وعلى دراية بالطريقة الصحيحهـ في التوجية التوعيه رح يكبر الطفل على هذا الاساس والمنطلق والعكس ...
يبدئ الانسان ينازع في مرحلة الشباب بين كل الامور اللي كانت محظوره عليه من قبل اهله ,, فلو كان الاهل معلمين ابنائهم على مراقبة الله والنفس رح يكون موقف الابناء موقف سليم مافي جدال في موضوع محرم مافي انحراف في التفكير ,, فالانسان لابد من البداية ينزرع في داخله خوف من الله مو من انظار الناس وكلامهم ...!! من خلال هذا المنظور يتم توجيه الذات بطريقة ذاتية بطريقة داخليه لانو الانسان لو ماعلم نفسو ووجه نفسو رح تعب الانسان لايستنى غيره يجي يوجهه او يعلمه لانو احتمال يتلقى تعليم وتوجيه غلط .. وعلى هذا الاساس يبدئ يبني افكاره غلط ويمشي غلط ...!
فاولاً واخيراً لابد الخوف من الرب وحده كااافي جداً ليكون الانسان مستقيم وحكيم وواعي وعلى بصيرة في كل امر ..

نحاول نوصل لاعلى درجات المثاليهـ ,,
ومن حين لاخر نفقد زمام الامور ...والبعض ينظر للمثاليه على انها تقيد للحرية والناس تختلف من تفكير ومنطق ومبدئ..

دعيني اضرب لك مثلاً على بعض التصرفات المعقده التي تكبر مع من يتربى ويرشد ويوجهـ بطريقة غلط ,,
ي تشتيتي الانسان لما يتربى على العادات والتقاليد بعييييييد كل البعد عن الدين ويجعل الله اهون الناظرين اليه "والعياذ بالله " تلقي كل تصرفاته غلط وطريقه تفكيرة غلط يورث الشي دا لاورلاده من بعدهـ ,,
زي لما تقول الام لبنتها لاتبلسي قصير في زواج دولا الناس فيه جماعتنا ويعرفونا ورح يتكلمو علينا البنت تلقائياً وببرمجه ذهنيه رح تفسر انو يعني اوك البس البس دا عند صحباتي عادي..!! البس البس دا في زواجات مافيها جماعتنا عادي ,, ودا تفكير غلط ,, ليه ماتقول انا ماالبس البس دا علشان هوا اصلا حرام مو علشان الناس تتكلم علشان الله فرض علينا امور وحكم ...
يقول الفليسوف الالماني شوبنهور كل حقيقهـ تمر بثلاث مراحل ,, الاول تكون موضع سخرية والثاني تتم معارضتها بعنف وثالثاً وفي النهاية يتم تقبلها على انها واضحه ولاتحتاج لدليل ....!!
اوضح هنا ان كل شي محرم يجهل البعض تحريمه هكذا يتدرج ليصبح لنا عاده يتم توريثها بطريقة غلط وتفكير غلط ,,
هنا في هذه اللحظات نحتاح اننا نوقف مع انفسنا ونعمل لتفكيرنا كنترول وتوازن ومعادلة فكرية بضوابط المنطق السليم على موقف معين ..
وهنا لابد الانسان يكون عنده رغبة في التحكم والضبط لانو قوة الرغبة تغلب قوة الاراده في كل زاوية من زوايا التغير الجذري للسلوك السليم..
اعذريني ع الاطاله لكن موضوعك متعوب عليك وكذالك الرد لابد ان يكون متعوب عليهـ


دمتي متميزهـ