يسعد مسائكم ..
/
اليوم قرائت موضوع فجا ببالي أطرح هالموضوع
أنآآغيييييييييير ..!
أنآآ مسلمه , سعوديه , خليجيه , بنت أل فلان , أبوي يشتغل في ...الخ
سؤال .. ليش نظن أن أحنا غير ؟
شبعنا هيآآآط .. وشبعنا من النظره المتعاليه اللي لبسونا اياها سواء مجتمعنا أو اهلنآآ
شبعنا تطبيل وتصفيق ..
هالايآآم قنواتنا الشعبيه مالها سيره الا ( أم رقيبه )
والي قهرني عند متابعتي أني شفت أمير حاضر
المفروض يتم منع مثل هالتجمعات الي تسبب العنصريه والتعالي و ... 
من جد شعبنا لايمل من كلمة حنا غير .. وحنا فوق ..
بس المشكلة ماعلمونا ليش حنا غير وليش حنا فوق ..
شبعنا من كل آل فلان خيالة وعليهم رزة الراية ويازين فلان بينهم
..حتى لو هو مايستحق ..
وغيرك ينقص وأنت تزودي ... بس ماعرفنا وش ينقص ووش نزود ...
شبعنا
- نفخ نفخ وتكبير رآآس 
لمآآآآآآآآآآآآآذا نحنُ غير ...؟
فية أحد يقدر الحين يجاوب على هالسؤال
؟
حتى لو بينك وبين نفسك ..
وش يميزنا عن غيرنا ؟
لاتقولون الأسلام ... ادري هالشي محد يختلف فيه
هل كل من ينتسب ل هالدين يعلم بة..!!
وش سوينا عشان نحس أننا مختلفين عن الكل ..!!
وش قدمنا لمجتمعنا ولا لبلدنا ؟؟؟
أجيال ورى أجيال يكبرون و التميز عنوان لهم .. (تميز مغشوش )
لأنة غير..
يتعالى على العامل والأجير والغريب .. وياويلة ياسواد ليلة لو واحد منهم
تجرأ ووقف بوجهه ..
شربنا التعالي .. وتغذينا بالعنصرية ..
حتى لو الواحد عاطل ومر جنبة اجنبي رفع خشمة علية ..
كنة هو اللي يصرف لة راتبة ..
صارت العنصرية سمة
غيرنا وصل للفضاء .. وصنع صواريخ وقنابل .. وأحنا للحين مادري وش صنعنآ
نحتاجهم .. ونلبس من صنع ايديهم .. وناكل منهم ...ولكن نكرههم .. تنااقض
و صرنا نتعالى على بعضنا البعض ..
الغني على الفقير .. الأصيل على الأجير .. الأبيض عالأسمر ..
صار الكل فارس
الفرسان ودرع الدروع ..حتى لو كان مايسسوى (...)
في النهايه ..
ليش أحنا غير ؟؟
أعلم أن الاجابه صعبه ..
ولكن اترك السؤال ليداعب أحلام يقظتكم ..
/
شموووخ