اما الهياط عندنا صاير بـ بلاش ..
وصرنا نصدره لـ دول الخليج و الدول المجاورة ..
تقدرين تقولين انه بـ النسبه لنا هو والنفط واحد ..
مانقدر نستغني عن اي واحد منهم ..
وسمعت ان صاير على الهياط عروض تروجيه ..
صادق مهايطي تحصل على الثاني مجاناً ! 
...
يجيك مهايطي راتبه 2500 يروح يشتري له ايفون !!
وبـ الاخير هـ الايفون مايستخدم فيه الا زر الاتصال و الرد على الاتصال ..
و المميزات اللي فيه واللي اخترعت بسببه مايستخدمها او بـ الاحرى مايعرف لها ولا فكر يجربها ..
...
ولا النوعية الثانيه اللي جالس قدام باب بيته كـ انه صقر ينتظر فريسته ..
وان حصل هـ الفريسه نشب بـ رقبته علي الطلاق تدخل تتقهوى ..
علي الطلاق ان القهوه جاهزه << مسكينه زوجته تلقيناها بالاسبوع الواحد مطلقه مئة مره من كثر حلفه بها .gif "(177)")
طبعاً اذا دخل لاقهوه جاهزه ولا يحزنون ..
الا البيت مقلوب فوق وتحت ولا به استعداد لأستقبال الضيوف ..
و بـ العكس تلقاه مواعد عياله يمشيهم ع البحر وسحب عليهم سيفون بـ سبب هـ العزيمه الحاتميه 
...
ودام اننا بـ هياط الشباب شوفوا هـ المقطع ..
والبلا ان الهياط نقدر نقول انه كان محدود ع الشباب صاروا البنات ينافسونهم الحين بهـ المجال ..
انا ابوي حاط لنا شغالتين هم بـ الاساس كانوا 6 شغالات ..
2 لدور السفلي و 2 يخدمونا انا واخواني و 2 مايلعبون ع الدكه احتياط ووقت الحاجه نلعبهم << ع اساس انهم منتخب شغالات 
وان رحتي بيتهم حصلتيه ثلاث غرف وصاله !
...
ولا الثانيه انا شنطي و ملابسي كلها من CHANEL و Dior و Gucci و LOUIS VUITTON
ولـ شفتي هـ الشنط تحصلينها تقليد ومش اي تقليد الا درجة ثالثه 
...
اما هياط الشعب بـ اليوم الوطني فـ ماشاءالله الكل هاك اليوم يقلب وطني..
( ارفع راسك انت سعودي غيرك ينقص وانت تزودي )
وتنكس ورقص وزحمة شوارع 
واذا صار باكر تلقينه يسب الدوله والشعب ويذكر انه عاطل عن العمل له 6 سنوات وماحصل للآن وظيفه ..
...
الهياط كان يقتصر على هياط القبايل بين بعض ..
وتطورت وصار الهياط حتى بـ كوب القهوه من ستاربكس 
...
ترى ردي به من المبالغه الكثير لـ اضافه البسمه فقط ..
ان كان به شيء يشرفني اني سعوديه فـ هو وجود مشايخنا وعلمائنا الله يحفظهم لنا يارب ..
اشوف ذا اللي يميزنا عن غيرنا ..
اما الباقي فـ نحن نشابه كل الناس فيه ..
الا قبل مااطلع وش هو ذا ( ابو رقيبه ) ؟
جد الاسم حسيته مرض معدي .gif "(107)")