ملتقى طلاب وطالبات جامعة الملك فيصل,جامعة الدمام - عرض مشاركة واحدة - هل اقدر احول من جامعة pmu لجامعة الدمام ..؟

CHANEL-22 · #1 2012- 1- 18

السلام عليكم حبايبي
انا عضوه مستجده هنآ
ومن كثر ما تصفحت المنتدى وشفت الردود قلت اكيد بتفيدوني ان شاء الله
لآن مشكلتي مشكله عويصه

انا ادرس بجامعة الامير محمد بن فهد PMU وللاسف جبت العيد فيها
طبعا مدري هل تعرفون كيف نظامها ولا لا لكن بشرح لكم
هي السنه التحضيريه فيها غير الجامعات الباقيه للاسف
يعني التحضيري يسمونه Prep year ممكن تاخذين سمستر واحد او سمسترين او ثلاث او اربع او خمس
لو عدتي وعلى حسب الرقم اللي تحبين يعني ممكن ما تتخرجين اا بعد 10 او 11 سنه

بالمختصر هي تعتمد على الانقلش حقك يحطونك باليفل اللي يناسبك وكله انقلش مافي عربي ابد
والماث والفزكس والكيمستري يعني اختياري متى ودك تدرسينهم << كانك مصختيها اخلصي

المهم انا هذا ثالث سمستر لي فيها ولكن للاسف بعيدين اي اي بقولكم عالاعاده والرسوب بس بقولكم كيف انا متأزمه
لمن تاخذين F يعني رسوب كلن يعرف لكن لمن تاخذين D هم رسوب ولا بعد مافي رسوب واحمل الماده لالالالا رسوب معناته
اعيد السمستر كله حتى اللي نجحت فيهم
وعدت مرتين عشان الـD هع هع
يعني المفروض انا الحين فالتخصص حقي

الزبده انو زهقت منها وعلوا قلبي مع انظمتهم البايخه وكل سمستر نظام اخيس من اللي قبله و 55 الف ريال كل سنه على ايش ..!!
وقلت يا بنت مالك الا التحويل للدمام بس المشكله كيف الحين احول وانا درست تحضيري سنه ونص بس انقلش
يعني مو مثل التحضيري فجامعة الدمام !!!!!!!!!

وثاني شي هل اقدر احول هالسمستر هذا ..؟؟
وثالث شي لو حولت وانقبلت وعادلولي المواد << تسمع بالمعادله
هل اقدر اختار تخصص على كيفي زي جامعتنا ..؟؟
يعني انا ودي تقنية قلب بس ما اعرف هل اقدر او لا او اي شي بالمختبرات هيك
وانا نسبة الثنوي اعتقد كانت 89
والقدرات والتحصيلي كانت شي 66 وشي 65

يارب احد يساعدني ترا والله مكتئبه احس ضاع مستقبلي والسبه هالجامعه ونظامها الخايس بلييز ساعدوني