بسم الله الرحمن الرحيم
انا من اكبر المؤيدين>>>>تقصد من اكبر المنحوسين اللي دخلوا بذالكليه والجامعه الزفت
لاني بصراحه مادرست 12 سنه وكرفت كرف المسلمين وشدينا حيلنا لين انقطع الحيل على شان ادرس دبلوم سنتين لا وبدون مكافأه وشهاده مو معترف فيها
دام انهم فاتحين كليه وموظفين دكاتره وعاملات ويصرفون رواتب وش ناقصهم على شان مايخلونها بكالاريوس ويعترفون بشهادتنا ونظمن مستقبلنا؟؟؟؟
قالوا مكافات مافيه قلنا مو مهم اهم شي ندرس ونضمن وظيفه يجينا منها راتب احسن
قالوا دبلوم قلنا ولايهمكم على شان خاطرك كرفنا 12 سنه وش يمنع مانكمل؟
وبعدين ؟ وش لون بيمشي وضعنا؟ مستقبلنا وينه؟ الناس اللي نتوضفنا مين؟
اذا جامعتنا بنفسها ماعترفت بالشهادات باقي الدوله بتعترف ولا توظف؟
لاتفكرون ان حنا مجرد طالبات ونبي نتوظف
لا حنا طالبات كل وحده منا لها ظروفها
كل وحده تبي تضمن وظيفه تصرف فيها على اخوانها اللي معتمدين عليها
تبي تصرف على ابوها وامها اللي ماعندهم غيرها
تبي تساعد زوجها اللي راتبه ضعيف ويكرف ليل ونهار ويادوب يلاقي لقمة عيش تكفيه وتستر عليه
تبي وتبي وتبي
يمكن تقولون كبرت الموضوع لكن لا الموضوع بحد ذاته كبير لكن محد تعمق ولا هتم انه يكتشف وش حجم الموضوع
يقولون دولتنا تعليمها متطور انا ماقول لا فيه وفيه
فيه جامعات الغرب يجون يدرسون فيها وفيه جامعات حنا ياطلبه نسحب عليهم ونروح للخارج ندرس مو احتقار لدولتنا لا والله لان دولتنا ماوفرت لنا في ذالكليات اللي بيوفره الغرب لنا حتى لو ان فيه غربه او تكاليف ماديه
لكن الدور والباقي على اللي ماعندهم لاماديه ولا قدره للسفر
ذولي لهم انهم ياكلون تبن ويدرسون دبلوم سنتين وينثبرون بالبيت بشهاده الفايده منها((نقعوها وشربوا مايها))
واسفه اذا زودت بالحكي او مصختها لكن من حرتي لاتلوموني..
>>>طالبه بسنه اولى منحوسه جدا جدا جدا