|
رد: ابي مشوورتكم في الجداول لاني محتاره ومغامره فيه
بصراحة اختي الجداول كلها زي بعض ،، المشكلة ماهي هل هو مضبوط او لا .. المسئلة وش اللي يناسب
ظروفك .. ولو نجلس شهر نحاول نجيب لك ماعرفنا هههههه لانك الوحيدة اللي تعرف ظروفها وتحدد جدولها على هالاساس ..
انا بعطيك مثال ،، انا مثلاً اخذت جدول فيه محاسبة + انجليزي
غيري يعتبرها صعبة ومستحيل ياخذ مادتين بنفس اليوم لأن الانجليزي بالنسبة له صعبة
انا بالنسبة لي سهلة جداً جداً جداً .. يعني الموضوع يعتمد على ظروف الشخص
وإن كان لي راي فهو أنك تركزين على مواد المتطلب ( المواد الاساسية ) ثم تضيفين عليها مادتين
خفيفات وبسيطات عشان لو لا سمح الله خمبقتي بالمواد الاساسية يمديك ترفعين المعدل بالمادتين السهلات
لان مايندرى وش بيسوي الواحد بالاختبارات .. انا هذا نظامي ايام الانتظام بالجامعة ،، اخذ كذا مادة صعبة ومعها مادتين سهلات .. واشد على عمري بشكل غير طبيعي بالمواد السهلة ولا ارضى بأقل من a+ عشان لو لا سمح الله ماحليت زين بالمواد الصعبة مايتأثر المعدل كثير
الله يوفقك 
|