خديجه بنت !
لآ
خديجه نبت !
لآ
خديجه فرض
إذا خان المطر فضل البحر والأرض

خديجه تروح
ويرتاح الجسد برّا حدود الروح !
هي احساس الصحو بالخمر
تراتيل الخطا المسموح
لقت في يوم شمس العمر منسيه
وقادتها لباب العمر !

خديجه ما تقول الصدق
خديجه ما تعرف الحق
خديجه دربي المقطوع
خذتني شنطة مْهاجِر
وعشت بذنبها فـ اطهر سلال العتق !

إذا قامت
تعاود للصحاري بسمة الهملول
وإذا تستأذن وراحت
خذت باقدامها حزن المرافي حجول

هي ذراعي
إذا حزن الصحاري قصّص الراعي !
هي بلاد الخطا المعتوهـ
تعرْف وجوهـ
وتعرْف اني الوحيد بجوعها واعي !





خديجه ما اعتبرتك غلطة اللحظه أو الملهاهـ
خديجه ليه رحتي وقلبي معلّق بفستانك ؟
أنـا من كثر ما ادوّر طيوفك جتني الأشباهـ
وصكيت الشوارع خلف هالشقه .. على شانك