الف مبروك
شــــــــوق
يا شوق روحي وقلبي وقطعة منـي عتابك ألطف من النسمة على فؤادي
مايجـرح القلـب الاغيبتـك عنـي ولاعتابك يشابـه طبعـك الهـادي
انا اهتني يوم اشوفك انـت متهنـي واشوف نور الهنى في طلتك بـادي
ما يختلف فيك ظني يا حسن ظنـي دايم وفي معـي يـا وردة بـلادي
لاتخاف مني ومن قلبـي اذا ونـي اكيد مشتاق لك يـا غايـة مـرادي
مايتعب القلب غير الشـوق لكنـي اصبره بالقصيد وصوتـك الشـادي
انا احبك واحبك مـن صغـر سنـي ما ابالغ ان قلت لك من يوم ميلادي
اكبر ويكبر غـلاك اللـي مجننـي غصب على عيون حسادك وحسادي
لاتوصي القلب لية بالشوق متعنـي مادمت احبك عتابك ماهـو بعـادي
عتاب قلبـك علـى حبـك يطمنـي خله يعاتـب انـا سلمتـه فـؤادي