|
رد: هل مطلوب مني اسجل المواد لاني معتذر الفصل الدراسي الاول مستوى اول
يا استاذي ،، الموضوع بسيط ان شاء الله ولا تضايق نفسك ،، كل مشكله ولها حل بحول الله
انت الآن تعتبر من الطلبه القدامى لأنك مقيد في سجلات الجامعه وتعامل معاملة الطلبة القدامى وليس المستجدين ..
نزلت لك المقررات بالبلاك بورد وبدأت الدراسه ولكن لظروفك طلبت اعتذار عن مواصلة الدراسه
اذاً الجامعه تعاملك كطالب قديم ( تقوم بعمل كل ما يتعلق بالأمور الجامعيه بنفسك )
عموماً هذا نص مقتبس من الأخ طالب جامعي منتسب نحسبه والله حسيبه بأنه اكفأ منا في الأنظمه الجامعيه لتواصله مع العماده والمسؤولين في الجامعه !!
اقتباس:
طلبة قدامى(مستوى2 فما فوق ) معتذرين أو مأجلين الفصل الدراسي السابق ورجعوا للدراسة هذا الفصل
تراعي كل ما ورد في الفقرات (أ + ب + ج + د)
وموادك يالحبيب ماراح تنزل كذا اوتوماتك !
لازم انت تسجلها بنفسك من جديد .
لأن بعض الطلبة يعتقد إن بما أن المواد نزلت له في الفصل الماضي اللي هو اعتذر عنه فالمواد تبقى مسجله له ومايحتاج يسجلها .
نقول له : مالك لوى طال عمرك !
تسجل موادك حالك حال اي طالب قديم بيسجل مقرراته وتتبع نفس الخطوات .
اللهم انت تختلف عنهم في تسديد الرسوم ، وراح أوضح هاللأمر هذا بمثال توضيحي :
الإعتذار عن الدراسة (تكون انت طبعاً مسجل المواد ومسدد الرسوم) فيجب الإنتباه للأمور التالية :
مثلا انت دافع الترم الماضي 3000 ريال (نقول مثلا)
واعتذرت عن دراسة الترم الماضي ،
ايش يكون وضعك ؟
الجامعة تقول لك فيه مواعيد معينة لتقديم طلب إعتذار عن دراسة الترم :
موعد 1 :
إذا طلبت فيه إعتذار ، ترجع لك فلوسك كاملة (أو تكون في رصيدك في الجامعة ، بحيث انك لو رجعت للدراسة الترم هذا راح تسجل موادك اللي أجلتها ، لكن ماتدفع لها رسوم ، لأن رسومها في رصيدك لدى الجامعة )
موعد 2:
إذا طلبت فيه إعتذار ، ترجع لك 50% من فلوسك
يعني في هذا المثال كم يرجع لك ؟
الجواب :
يرجع لك 1500 ريال - (أو تكون في رصيدك في الجامعة ، بحيث انك لو رجعت للدراسة الترم هذا راح تسجل موادك اللي أجلتها ، لكن تدفع فقط 50% من الرسوم اللي عليك ، لأن انت عندك أساساً 50% من الرسوم في رصيدك)
موعد 3:
إذا طلبت فيه إعتذار ، ماترجع لك فلوسك ولاتنحسب لك في رصيدك ، يعني لو رجعت الفصل هذا للدراسة فإنك تسجل المواد من جديد وتدفع الـ3000 ريال كاملة اللي انت دفعتها في الأول .
|
ان تمكنت من افادتك فهذا ما اتمناه وان اخطأت فسامحني واحنا هنا لنتعلم ونكتسب الخبرات والدعوه مو تحدي انا صح وغيري خطأ ،، بالعكس اقدر اختي دودي على معلوماتها وربما هي صح وأنا على خطأ ،، اتصل بإدارة الجامعه وخذ منهم العلم الأكيد .. وفقك الله
|