اولا مبارك الدبلوم وعقبال البكالوريوس .
طريقة معادلة المواد . بدآية راح تنزل لك مواد دامك توك مسجلة اجبارية حتى لو انتِ دارستها قبل وراح تنزل تلقائي لك هالترم وتختبرين فيها .
اثناء هذا الفصل وفي تاريخ 5/3/1433 راح يفتحون ايقونة بالخدمات الطلابية اسمها معادلة المواد .
المطلوب منك قبل ماتشوفينها تروحين للمقررات اللي عليك وتشوفينهن الى المستوى الثامن وتشوفين وش المادة اللي درستيها بالدبلوم مشابهة للي موجودة بالجامعة .
بعد ماتختارين المواد اللي تبغين معادلتهن تروحين لنفس المكان اللي اخذتي منه الدبلوم وتطلبين منهم سجل اكاديمي مختوم و وصف للمقرر اللي تبغين تعادلينه ويكون مختوم ايضا .
المرحلة النهاية تقدمين على طلب المعادلة من خلال الايقونة بالخدمات الطلابية وضروري تقدمينها خلال هالفصل لأنه يتأخر الرد عليها عشان مايجي النصف الثاني الا وانتِ عارفه وش عادلوا لك من مواد .
النقطة الأهم وهي أنهم مايعادلون لك الا (15) خمس عشرة ساعة فقط < حاولي تختارين اللي فيهن صعوبة وتجمعين 15 ساعة .
نقطة اخيرة لتكوني على بيّنة . وهي أن المواد التي تتم معادلتها لاتدخل في المعدل التراكمي بتاتا (يعني ماتضره ولا تنفعه) سواء ناجحة بالمادة ممتاز او ضعيف مجرد مايتم اعتمادها يحطون لك اجتياز بدون مايقربون للمعدل تبعك .
اتمنى إني وفقت بالإجابة وفالك التوفيق