2012- 1- 24
|
 |
أكـاديـمـي فـضـي
|
|
|
|
|
كيف افهمها معنى الحريه
بسم الله الرحمن الرحيم
طبعا هذا اول موضوع اطرحه بالمنتدى واتمنى تشاركوني فيه لانه من جد هالسالفه دارجه هاليومين ومستفزتني بشكل
انا انتمي لاكثر المناطق تشدد بالسعوديه وهي المنطقه الجنوبيه فاعذروني لو كنت قاسيه شوي
بس والله من قهري وغيرتي ومع اني عشت حياتي كلها بالشرقيه لاكن مازلت مصدومه من الي اشوفه وكانه لاول مره
انا راح اقولكم على قصه صارت معي انا واختي شقيقتي هاشميه غير
كنت ذاك اليوم رايحه لاهلي جايتهم جارتنا واستقبلناها انا واختي مع امي وقعدنا سوااااالف ماتخلص
بعدين تطرقنا لموضوع الكشف الي هاليومين دارج وبقوه وسالفة الغطا الي ياااااااادوب يغطي شعر الوحده وعلى استحياء
وياليت هالي يكشفون يفتحون النفس الا استغفر الله بس
عالعموم خليني بالموضوع السالفه انو هذي الحرمه من نفس المنطقه وعندها اربع بنات وبالجامعه
قعدنا نسولف عنهم واخذتنا السوالف لين وصلنا لموضوع الحريه وحدود الحريه عاد اختي تحمست في موضوع المحافضه والحريه لازم يكون لها حدود ويجب عالبنت انها مهما تطورو الناس لازم تكون محافضه ووو
فجاءه الحرمه سالت اختي بسالك سؤال وش تفسير الحريه بالنسبه لك
اختي استغربت ...مافهمت قصدك ياخاله .gif "(269)")
قالتلها يعني وش حدود الحريه بالنسبه لك
ردت اختي بالنسبه لي ولاهلي الحريه محدوده جدا والسبب لاني بنت
فردت الحرمه وقالتلها ليش محدوده انتي مبسوطه يعني
ردت اختي اكيد مبسوطه لاني مرتاحه وهذي تربيتي الي تعودت عليها على فكره ياخاله ترى الموضوع قناعه انا تربيت على اساس اقتنع بالي اسويه والسالفه بالاول والاخر ارضاء لربي ثم اهلي
فجاءه اختي سالتها طيب ياخاله انا بسالك وش حدود الحريه بالنسبه لك مع بناتك
تتوقعون وش ردت.gif "(107)")
اقسم بالله هذا ردها // طبعا لاتضحكون علي لاني قعدت احلف بس لاني صراحه انصدمت منها
انا الحريه الي معطيتها لبناتي مالها حدود الحد الوحيد الغلطه الكبيره اضن فهمتي علي
قالت اختي مافهمت انتي تقصدين يعني ذاك الشي لاتمزحين
ردت لا والله من جدي اتكلم هذا الشي الوحيد الي حاطتله حد
طيب ياخاله يعني الحين عادي الوحده تكلم .......طبعا اختي تسال ياحياتي وهي مستحيه من امي ياحليل اختي بس 
قالت اي عادي وتطلع وتروح مع صديقاتها وين ماتروح تدرين ليش يابنتي
ردت اختي ليش
قالت لاني اثق فيهم.......
امحق ثقه والله  :
وقالت انا ربيتهم على كذا لازم كل وحده يكون عليها رقابه ذاتيه
بالله عليكم بسالكم وش رايكم بهالام وكيف وحده زي كذا تقدر تفهمها وش معنى الرقابه الذاتيه ولا
وش معني الحريه ووش حدود الحريه
يعني لمن تصير ام متعلمه من بيئه محافضه جدا جدا وتتكلم بهالطريقه
انا لاحضت هالشغله بدت تنتشر عندنا صارو العالم فاهمين الحريه والانفتاح بطريقه غريبه
والي يضحك بالموضوع انها تلبس العبايه بطريقه محتشمه جدا وبناتها كاااااااااشفات
وللاسف مش هي الوحيده انا لاحضت هالشغله واجد وكان الام تفتخر ببنتها انهم مواااااااااااكبين هالتطور
انا صدقا موضوعي هذا جا لمن قريت موضوع للاخ ابو المخابيل
يتكلم فيه عن بنات يبيعو انفسهم عشان بطاقات الشحن ولمن استفسرو منها لقوها تمر بضروف صعبه
لاكن لمن تجي ام زي الي بقصتي وتقول هالكلمتين انتم وش رايكم
ياريت تشاركوني بهالموضوع لانه بالفعل يستحق المشاركه لانه شي يومي نشوفه وبدون حياء وللاسف 
|