السلام عليكم ورحمة الله وبركاته

الله يمسيكم بالخير جميع

واخباركم عساكم يارب بصحه ونعيم

انا اعتمرت هنووونى

الهدايا بوزعها عليكم بس انجح



نطروووونى ههههههه تستاهلون وربى كل خير






وعلمونى

واحد موصينى اعبي له ماى زمزم واجيبه له وقلت له من عيونى اجيبه يعنى اجيبه لو كان

تحت الحراسه اضحك معاه.

وصلت واعتمرت وكانت اجواء ولا احلى تصدقون برد فى مكه ماتوقعت وزحمه خفيفه وكنت

مستغرب العالم اجازه ومافى زحمه .

المهم ......

خلصت وقلت بروح اجيب جيك اعبيه ماى زمزم حق صاحبى وطلعت مشوار شوى بعيد وبرد

وانا للحين طرزان اقصد بالاحرام ولقيت اللى ابى واخذت واحد وسط مادرى كم لتر بس مو كبير

حييل ورديت الحرم بعبيه اول ما وصلت لباب الملك فهد ويقوم المطوع وينادى ياولد ياولد وانا

ماشى الهوينا شوى الا يقول انت ياولد طالعت قلت انا قال ايه انت تعال ورجعت وسلمت قلت

امر قال وين رايح !!!! ابتسمت قلت امر طال عمرك تبى منى شى قال وين مودى اللى بيدك

قلت الجيك قال ممنوع دخوله للحرم قلت فاضى شوف قال ادرى فاضى قلت طيب بعبيه من

زمزم موصينى عليه من الكويت قال موجود فى المحلات اشترى اللى تبغى بس هنا ممنوع

تعبى من الحرم قلت اول مره اسمع ان زمزم ممنوعه على الحجاج او المعتمرين !!!!!!

اخرتها تذكرت كلمتى لصاحبى لما قلت له اجيبه يعنى اجيبه لو كان تحت الحراسه طلع

صحيح تحت الحراسه .

عطيتهم قصه خرافيه عن صاحبى وسبب طلب الماى عسى الله يغفر ويالله يالله سمح لى

اعبى من زمزم .

علمووونى

شرايكم فى اللى صار؟؟ زمزم صارت احتكار لشركه مادرى شنو اسمها وعلى فكره لقيت

برى يبيعونها ب 15 ريال بالحويه ولما وصلت الخفجى لقيتها ب 20 ريال .

المهم رأيكم.... يعنى لما تمنع الحاج يعبى له ماى من زمزم وهى كلها بركه وخير وبير لا قرار

لها نهر جارى لسقيا الحجاج والزوار يعنى هل هو خوف لا يخلص ماى زمزم من كثر الحجاج

اللى يعبون ماى او شنو السبب اللى يمنع هالعالم من اخذ القليل منه لاهاليهم .

يمكن يكون فيه سبب ولا اعلم به .

رأيكم يهمنى فديتكم


اخوكم الحااااااااج نشمى