|
رد: هُنَا تَجْمَع طُلّاب و طَالِبَات فَنِّيَّي طِب طَوَارِئ [ Emergency Medical Technicians ]
اقتباس:
المشاركة الأصلية كتبت بواسطة مبدع طوارئ
الف الف الف مبروك عقبال الجميع يارب
المهم شباب انا الشهر هذا مقبل على تدريب في المستشفى
وشايل همه وربي كل اللي درسته يطبق في الاسعاف مو في المستشفى
سؤالي لي الاخوان اللي تدربو في المستشفى
ايش الاشياء اللي تعلمتوها هناك وطبقتوها
وكيف الوضع هناك
ابي احد يشرح لي والله ضايع انا :(
|
انا اقولك وش الوضع بالتفصيل الممل .
طبعا اول مستشفى طبقته فيه مستشفى الملك فيصل مدة شهر طبعا حطونا بقسم الطوارئ فيه قسمين قسم التروما وقسم المديكل طبعا انا رحت قسم المديكل عشان اتعلم تركيب الكانيولا لاني كنت ضعيف فيها وتعلمت اعطاء الابر عن طريق العضل وتعلم تركيب جهاز تخطيط القلب .
ثم طبقت اسبوع بمستشفى الامراض الصدرية وتعلم طريقة وضع الدواء في قناع الاكسجين وتركيبه للمريض واعطاء ابر عن طريق الوريد للمرضى الي معهم حساسية .
ثم طبقت اسبوع بمستشفى الاطفال الصراحة ماكانت عندي الجراءة اني اشتغل بالاطفال كون الاهل معهم عشان كذا ماستفدت شئ فيه .
ثم طبقت اسبوع بمستشفى النفسية وشفت كيف يتعاملون مع المرضى النفسيين .
ثم طبقت اسبوع بالمركر الصحي وتعلمت سحب الدم وتغيير الجروح واعطاء الابر .
ثم طبقت شهر كامل بمستشفى الملك عبدالعزيز كانوا مقسمين اسبوعين بالطوارئ واسبوعين بالعناية المركزة طبعا في كنت اركب كانيولا واركب جهاز تخطيط القلب وفي العناية المركزة الحاجة الوحيدة الي استفدت منها كيف اسوي شفط للمريض .
في النهاية والله اني اشوف التطبيق بالمستشفى حلو لاباس به وملاحظة لاتجلس ساكت حاول انك تخش فيهم وسوي الشئ الي تعرفه بنفسك .
الله يوفقك ان شاء الله
|