بعد ما قابلتني عاتبوها
على شوف الحبايب حاسبوها
خذوها وابعدوها غصب عني
وعن وجهة طريقي جنبوها
شالوهاعن عيوني غصيبة
عواذل واغصبوني واغصبوها
خذوها من بين اديني شوف عيني
وعن عيني تعدو واحجبوها
كلام وصدقو بالبنت كذبة
وهم يلي من الاول كذبوها
وهم وش دخلهم في مال بين
لا ابوها ولا الخلايق طالبوها
وفيا ما تخون ولا تعاند
جسورة والمواعيد ارعبوها
ملاك كاملة والكامل الله
ولكن العواذل عذربوها
وهي كل ما دعتني تشتكيلي
عن يلي سالفتنا سربوها
تخاف وتتلفت مع كل كلمة
تضن ان العواذل راقبوها
تلفت من عقب ما هي جريئة
جسورة ما تهاب وهيبوها
وهديها وانا حاير وثاير
مصيبة ايا عذاب عذبوها
وهم كل ما خذوها عن طريقي
تراهم صوب قلبي قربوها
وانا ما تعبت قلبي خيانة
خيانة رتبوها واحسبوها
وما يعجز خفوقي لا يقابل
جفى من حاربوني وحاربوها
وانا لي عزة تفرض عليا
اخاطب بالجفى من خاطبوها
واسكر لوحة الماضي وازيله
واخرها مثل ما خربوها
واذوقهم ندم ما صار فيها
واشربهم من يلي شربوها
وادلعها واولعها بنفسي
وشرقها بعد ما غربوها
واعوض عن يلي راح كله
وعن ذيك الليالي كل بوها
غلاها بالحشا لا زال ثاااااابت
ولو حتى بغير حببوها
وغلاي بقلبها مر وتعدى
غلاها لامها ولا لابوها