وتلومنى فيك
وتلومني فيك يوم اغليك
ياول همومـي وتاليهـا
ابيع كل البشر واشريك
بحاضر سنيني وماضيهـا
ياغايبٍ صرت افكر فيك
يااغلا جروحي ومشقيها
تطول بي حروتي واجيك
والرجل تسبق خطاويها
اطلب عيوني وانا بعطيك
تستاهل الروح واهديها
اشارة من نظر عينيـك
اجيبها لـك واودّيهـا
قلبي يكلمك ويناديـك
من غيرك الناس مابيهـا
روحي بها محدٍ يساويك
انت الذي ساكنٍ فيهـا
العين في غيبتك تطريـك
تبكي من فراق غاليهـا
يكفي عذاب الله يخليك
بعدك وصـدّك معنّيهـا
قصيدة الحب بين ايديك
ماظنك تكون ناسيهـا
احروفها الدافيه تبكيك
وعيوني الدمع معميهـا