وهاي من المواقف الطريقه اللي مرت علي
مرتناً من المراير على قولت الرجال
قاموا يسولفون الزملاء عندي عن زواج المسيار
ويمدحونه تعرف مهايط الرياجيل بعضهم
عليه افكار بس ما ينفذها لا جا عند المدام ضاعت علومه
المهم قالوا والله يا القصيم فيه وحده تزوج تعطيها بس خمس طعش الف
وتدبر امورك
وبشرط تزوجك وحده حلوه وسنها صغير ومن ها الكلام
المهم جت الفكره براسي
ولا ابيهم يدرون تعرف العزوبي اذبحه عن نون النسوه
المهم قلت انتم متأكدين من ها الكلام قالو نعم
راح فلان وراح فلان
وكلهم يمدحون ويشكرون
والله يا واحد من الربع << يقوله اللي يسولف علينا
يقول لي عشر سنين متزوج وحالتي حاله
كل يوم سرده مرده على السوق
ولو اقول لها عطيني كاس مويه طارت بحلقي
لدرجت اني مخزن اسمها بجوالي
(( البلشه ))
ويوم تزوجت والله لقيت الفله
كل ما جاء الأربعاء روحت للقصيم
وفليتها الأكل الزين والكلام الحلو والوجه اللي يفتح النفس
ولا وده ولا هاته ولا جيت يوم السبت جبت معي كليجا وعطيتها العله اللي عندي
تفلي فيها عشان ما تقول وينك رايح وينك جاي
المهم يوم راحوا من عندي الزملاء ولا بقا الا ها المهايطي
قلت ابو فلان قال نعم
قلت الك ولا لذيب قال لا والله يعقب الذيب
قلت سنايدي يا راعي العايدي
انا ابي فزعتك
قال بشنو قلت انا ابي اتزوج مسيار وابيك تدبر اموري
يوم قلته لا والله الرجال يوم تغير يحسبني ابي سلف منه
قلت اسمع فلوس مبي فلوس الله ينعم عليك
ابيك تعطيني رقم الخطابه ولا تروح معي
لا والله يوم غدت كل علومه قام يحوص
منا ومنا المهم ما حصلت من وراه إلا الرقم
اما غيره ما حصل شي
وادق على الرقم
قلت الو قالت هلا
قلت هلابك
قالت مين معايه
قلت عندك بنات
قالت شنو
قلت بنااااااااااااااااااااااااااات عندك ولا
قالت انت صاحي وش تبي بالظبط
قلت انا معطيني رقمك واحد يقول انك خطابه وتزوجين مسيار
قالت يا ابني الله يصلحك انت عارف انا مين
قلت لا والله مو عارف
قالت انا الدكتوره فلانه شغاله بالمستشفى الفلاني
هههههههههههههه
شنو بناته الله يصلحك
اثر خويي من الربكه
معطيني رقم دكتورته اللي يراجع عندها
فأجئته بالسالفه وهو يحسب اني ابي بزنس
وداخ ولا جا في باله إلا ها الدكتوره
قلت اييييييييه
يا زين هرج السعه يبو فلان
انتهت القصه
مع خيبت امل