الله يسامحك ياهاله ..

صحيت رايقة البال وضاق صدري بـ سبب المقطع ..

اخته اخطأت يوم انتحرت وكان الافضل تطلب من اخوها يدخل او يأخذها دام انهم قراب لـ بعض ومتفاهمين ..

و خطأها الثاني انها ارسلت له رساله وهي تدري ان قلبه بـ يحترق عليها واكيد بـ ينتقم لها ..

يعني يوم نويتي الانتحار ليه تضيعين اخواك معك ؟!!

الحل كان سهل انها تبلغ اخوها والاغلب ان نهايتهم الاثنين ماكان راح تكون بـ ذي الطريقه ..



...



اما بـ خصوص علاقة الاخوان بين بعض بـ مجتمعنا ..

فـ الموضوع يعتمد على التربيه صدقيني ..

مثلاً الوالد الله يطول بـ عمرهـ من كنت انا واخواني صغار كان زارع فينا ان مابه بـ العالم شخص يحبك ويسندك وقت الشدايد الا الاخو ..

وكان يقول لنا مثال او بـ الاحرى قصة كل ماصارت بينا انا واخواني مشكله ..

بس البلا القصة طويلة ويبيلها شرح مباشر عشان تنفهم

وماشاءالله عليه هو واخوانه ماشين ع نفس المبدأ ..

ويـ نضرب بـ خوتهم المثل في جماعتنا ..

وان جيتي شفتي خوالي حصلتي العكس بينهم سبحان الله ..

به حزازيات وزعل و ذا شايل على ذا وذا مايكلم ذا الا بـ المناسبات ..

وتحصلين اسباب زعلهم تافهه ..

فـ الامر يعتمد صدقيني ع التربيه ..

به عوائل للآسف تفرق بين الاخوان والتعامل بين البنت والشاب ..

وحده من صديقاتي بـ الثانوي الله يذكرها بـ الخير ..

كانت رغم انها البنت الكبيرة بـ العائله مع هذا تحصلين ابوها وامها مفرقين بينها وبين اخوانها الاولاد بـ التعامل ..

لـ درجة ان اخوها اللي بـ سادس ابتدائي ( وقتها ) كان يأمرها حتى تجيب له الماي !!

ولو يبي بعد تهمز رجليه مابه مانع !!

وكان الوضع في بيتهم ان البنت مهما وصلت وراحت تبقى اقل من الرجال بـ مراحل ..

وقصه صارت قريب لـ وحده من صديقات بنت خالتي ..

تزوجت وماكملت 4 شهور بـ زواجها وطلبت الطلاق ..

اخوها اول ماعرف الخبر تخيلي سافر من تبوك لـ طائف لـ اجل يقتلها !!

يقول انه اهون عليه يقتلها ولا تطلق !!!!

ورجعت لزواجها غصب ..

وعقبها بـ كم يوم سوا حادث وهو راجع لـ تبوك وللآن يحمل اخته سبب الحادث يقول انها دعوتها << زين انه يدري

لاحظي الفرق بين قصة حمود وبين اخو ذي البنت ..

فـ بعد توفيق الله بين الاخوان ..

تربية الاهل هي الاهم ..