الدكتورة منال
من ناحية الشرح شرحها مفهوم للي بيركز معاها ويسألها لأنها أحيانا احسها تكتب نفس اللي في الملزمة على السبورة
والمادة مرتبطة بالديناميكا وكم 1 و حديثة 1 ويمكن 2 ورياضيات 1 <<< لما درستها ما كنت ماخذة الا رياضيات 1 فما أدري ايش نوع ارتباطها في الحديثة والكم
بس اذكرها في الشرح أحيانا تقول اخذتوه في الحديثة و أخذتوه في الكم وياضيات واحد فيه استنتاج كثير من قوانين راضيات واحد استخدمناها فيه
أسئلتها سهلة ماتطلع برا المنهج في الشهري من الحين أفولك اختبارها : استنتاج أو جزء منه إذا كان طويل + مسألة + اختاري
وفي النهائي نفس الشي بس فقراته أكثر ويمديك تحلين وتراجعين ماتحسين انك في سباق مع الزمن وماتدرين شتكتبين
أخلاقها ماشاء الله تبارك الرحمن تحب البنت اللي تشوف اخلاقها حلوة لأنها عانت من البنات كثير اللي يستغلون طيبتها وأنا درست هالمادة مع بنات دفعتي الله لا يوريك كانوا جامعينا في مدرج واحد وفوضى وإزعاج حتى الأمن حسبت ان ماعندنا دكتورة والدكتورة حتى لو تكلمت ما يعطونها وجه وأحيانا يرفعون صوتهم عليها لدرجة انها مرة قالت المحاضرة مشروحة وكانت بتطلع من المدرج بس مادعاها قلبها لأن فيه بنات تهمهم المحاضرة فرجعت تشرح مرة ثانية
ومن ناحية انها تعطيك حقك إن شاء الله ماتظلم أحد
في موقف صار لي معاها أظن اني كتبته هنا من قبل بس مو مشكلة أكتبه مرة ثانية
أنا كنت مزفته في الإختبارات الشهرية ودرجاتي دايما نازلة وكنت اشارك معاها بس من عرفت درجة أول اختبار بطلت مااشارك وفكرت أسحب من المادة بس استخرت وظليت فيها
وعلى آخر السنة رحت عشان آخذ المجموع النهائي لدرجاتي منها وكنت مترددة اني أدخل وصديقاتي كلهم غايبين و معتمدين علي آخذ لهم درجاتهم
سألتني عن اسمي بس قلت لها عنه قبل لاتشوف الكشف قالت لي درجتك وحشة ليش كذا أنا استحيت منها ونزلت راسي ماتكلمت وعطتني درجتي ولما شافتني ماصارخت عليها درجتي فيها كسر جبرته لي قبل لا تجمع الدرجات مع التمارين و زادت درجة على المشاركة وكنت انا ماسكة قلم عشان أكتب درجات صديقاتي قالت لي عطيني القلم عشان لا أنسى وقدامي عدلت درجتي وقالت لي شدي حيلك
طلعت وأنا ادعيلها
وفي النهائي الحمد لله سويت زين في الإختبار بس كان فيه أغلاط وانا طلعت بدري من القاعة عشان الحق الباص لإني كنت مضطرة أطلع وتوقعت درجتي في الخمسينات بس الحمد لله نجحت على الحافة وشكلي مدفوفة لأن درجتي طلعت 60
يعني خذي المادة وانتي مرتاحة
