المشاركة الأصلية كتبت بواسطة فيزيائية طموحة

ايه تونا مبتدئات بس المشكلة اننا يمكن نزعج أحد بالتنبيهات اللي تجيهم

صح احنا الحين في زمن مهم جدا تعلم اللغة الإنجليزية بس فكرة الدراسة برا لأنها افضل المفروض تتغير بحيث ان الدراسة هنا تتطور والأنظمة بعد تتطور
عشان مانفرق عنهم بشي و ممكن نصير أحسن منهم

أوافقك الرأي بالنسبة للشرح وأسئلة الإمتحان لازم تكون بالعربي لأن احنا مو قاعدين ندرس الإنجليزي كتخصص
وبالنسبة للمراجع فعلا للأسف الشديد المراجع الإنجليزية أفضل من العربية

و أحيانا في مبدعين مايدرون عن نفسهم
لأن نطام دراستنا كل شي معتمد على الإختبارات وتجي الأسئلة أكتبي ماتعرفينه عن منهج كذا بدون مبالغة
و يجون أغلب البنات صامين المنهج ويكتبونه زي ماهو إلا مارحم ربي هم اللي نظام أسئلتهم يخلي الطالبة تكتشف انها مبدعة


وغير كذا طريقة تعامل بعض الدكتورات الله يهديهم
من أول اليوم يقولون المنهج صعب وإذا مانجحتي في المادة الفلانية مابتمشين في المنهج فأكيد هالشي بيأثر على نفسية الطالبة
وتحط في بالها انها مابتفهم فعشان تنجح في المادة تروح تصمها صم


وفيه العكس حتى لو الطالبة سوت شي بسيط بس كان متقن مثلا بحث أو عرض تلاقينهم يشجعونها تشجيع
حتى لو انها مخترعة شي جديد ما لقت هالتشجيع فأكيد هالبنت بيصير عندها دافع انها تطور الشي اللي بدت فيه

بالعكس يالغالية خذي راحتك استفدنا كثير من رأيك و جميع الآراء ووجهات النظر عندنا محترمة
وماتضايقنا أبدا حتى لو كانت مخالفة أو كانت نقد لشيء ما عندنا كل شي عندنا عادي

حياك الله وبياك
*