صادق البعض وللأسف سعوديين ودايما حاطين في بالهم ان السعودي مهما يسوي يعتبر فاشل

يعني السعودي ناقصه شي عن غيره مثلا !!!

إن شاء الله

المشاركة الأصلية كتبت بواسطة غلآكمـ مع اني اشوف فيه مشكلة في فكر الطالب الجامعي - يعني مو كل شي يعجبه .. لو جا دكتور يشرح بضمير و يتعب علشان احنآ نفهم و يضغط علينا عشان نذاكر و يبي يشوفنا شي مميز مستقبلا : ردة الفعل من الطالب .. هالدكتور مانبيه و ابرز شي صاير الحين :( عن المادة اللي البنات يبون يغيرون دكتورتها و السبب !!!!! اتوقع وصلتك الرساله صح ؟ اذا ماوصلتك قولي لي عشان اقولك عليها بالخاص - و الدكتور اللي .. يشرح اي كلام و مايتعب نفسه كل شي واضح كل شي واضح .. ماراح يعجب الطالب لانه مايشرح صح

كنت بأقول رغم كل المحبطات اللي تجيط بالطالب المفروض اذا مالقى اللي يشجعه المفروض هو يحاول يشجع نفسه بنفسه يبحث عن تجارب الناجحين ويحاول يصير زيهم ويحاول يبتعد عن أي شخص يحاول يحبطه

دايما هالدكتورات النادرين اللي من هالنوع ماحد يبيهم إلا مارحم ربي مع انهم مايتفوتون دايما يدورون على اللي اسئلتها نسخ لصق ومايبون حتى رقم يتغير من مسألة وإذا تغير شي قالوا جانا شي برا المنهج !!! بغض النظر عن شرحها أهم شي اسئلتها

ايه صح كلامك الله يهديهم مو لها الدرجة عاد !!!!! <<< أكلمك أكثر في هالموضوع على الخاص ماينكتب هنا بس أنا ضد اللي صار حتى لو .........

رسالتك ماوصلت أرسليها على الخاص

و إذا ماشرح الدكتور قالوا مايشرح صح كلامك الله يهديهم بس

وكل هاذا نقصد فيه الأغلب مو الكل طبعا كذا

المشاركة الأصلية كتبت بواسطة غلآكمـ - و اذكر بعد قريت رد لطالب من جامعة الملك فهد للبترول و المعادن كان معترض انه يتأخر بس خمس دقايق عن المحاضرة و الدكتور الاميركي يحط له غيآب طيب هذا النظام !! معروف في كل الجامعات .. ان التأخير عن المحاضرة دقيقتين يعتبر غآيب و اذا الدكتور مرره طيب .. عطاه غياب ساعه - و اذا الدكتور طيب حيييل .. استغلوه و مآ آحترموه برايك كيف نتعامل مع هالنوعية من الطلاب ؟ اغلب الطلاب اذا ما كآن 80٪ من هالنوعية و الباقي فيهم الخير

غلاكم

ما شاء الله عليك باحثة ممتازة

طيب ايش سبب التأخير ؟؟؟ إذا كان فيه سبب مقنع المفروض الدكتور يعذره
أما ان الطالب يلعب وإذا تأخر يحاسب الدكتور ليش يسوي كذا فهو غلطان

وأحيانا الدكاترة هم اللي يتأخرون عن وقت المحاضرة فعلى كذا المفروض الدكتور والطالب اثنينهم محاسبين على التأخير

ومسكيييييييين هالدكتور الطيب دايما مو محترمينه ويصارخون عليه إلا ما رحم ربي هم اللي فعلا
يحسون هالدكتورة كأنها أخت كبيرة لهم إذا ماكانت أم بالنسبة للدكتورات اللي كبار في العمر

أما كيف نتعامل معاهم لازم الدكتورة تشد عليهم شوي لأنهم غلطوا عليها بتصرفهم إذا مانفع معاهم الكلام الطيب
لأن احنا لو بنقعد نكلمهم مباشرة شي طيب بس مدى استجابتهم يختلف بعضهم بتناقشون معانا بهدوء وبعضهم مابيخلونك حتى تكملين كلامك إلا قبوا بوجهك
فهنا نحتاج طريقة غير مباشرة بحيث انهم مايحسون ان هالكلام موجه لهم شخصيا وهذا يبيله شوي تفكير
وإن شاء الله نقدر نسوي شي عشان يتغير هالشي <<< بعد خليها على الخاص عندي كلام بها الموضوع :biggrin: